നടവരമ്പ് ഹയർ സെക്കൻഡറി സ്‌കൂള്‍ ബസിന് തീപിടിച്ചു, ബാറ്ററിയിലുണ്ടായ ഷോര്‍ട്ടാണ് കാരണമെന്ന് നിഗമനം..
നടവരമ്പ്: നടവരമ്പ് ഗവ.മോഡല്‍ ഹയര്‍ സെക്കന്ററി സ്‌കൂളിലെ സ്‌കൂള്‍ ബസിന് തീപിടിച്ചു. ഇന്ന്‌ലെ ഉച്ചക്ക് 12.30 നാണ് സംഭവം. ബസിലെ ബാറ്ററിയിലുണ്ടായ ഷോര്‍ട്ടാണ് തീപിടുത്തത്തിന് കാരണമായതെന്നാണ് നിഗമനം. ഇന്നലെ രാവിലെ വിദ്യാര്‍ഥികളെ സ്‌കൂളില്‍ കൊണ്ടു വന്നതിനു ശേഷം ഷെഡില്‍ കയറ്റി ഇട്ടിയിക്കുകയായിരുന്നു ബസ്. 15 വര്‍ഷം മുമ്പാണ് ഈ ബസ് സ്‌കൂളിന് ലഭിച്ചത്. റോഡിലൂടെ നടന്നു പോകുകയായിരുന്ന ഒരു സ്ത്രീയാണ് ബസിന്റെ അടിഭാഗത്തു നിന്നും പുക ഉയരുന്നത് കണ്ട്. ഉടന്‍ തന്നെ സ്‌കൂള്‍ അധികൃതരെ വിവരം അറിയിക്കുയും അധ്യാപകരും വിദ്യാര്‍ഥികളും ചേര്‍ന്ന് തീയണക്കുന്നതിനുള്ള ശ്രമം തുടങ്ങി. ഇരിങ്ങാലക്കുടയില്‍ നിന്നും രണ്ട് യുണിറ്റ് ഫയര്‍ഫോഴ്‌സ് വാഹനങ്ങള്‍ എത്തിയാണ് തീ പൂര്‍ണമായും അണച്ചത്. ഇരിങ്ങാലക്കുട പോലീസും സംഭവ സ്ഥലത്ത് എത്തിയിരുന്നു.
ഫോട്ടോ ക്യാപ്ഷന്‍() നടവരമ്പ് ഹയര്‍സെക്കന്ററി സ്‌കൂളിലെ സ്‌കൂള്‍ ബസിന് തീപിടിച്ച് തിനയില്‍
