സ്വകാര്യ ബസ്സിൽ നിന്ന് തെറിച്ച് വീണ് ഇരിങ്ങാലക്കുട ഗേൾസ് സ്കൂൾ വിദ്യാർഥിനിക്ക് പരിക്കേറ്റു..
ഇരിങ്ങാലക്കുട : ഓടി കൊണ്ടിരുന്ന സ്വകാര്യ ബസ്സിൽ നിന്ന് തെറിച്ച് വീണ് സ്കൂൾ വിദ്യാർഥിനിക്ക് പരിക്കേറ്റു.ഗവ. ഗേൾസ് ഹയർ സെക്കൻഡറി സ്കൂളിലെ പ്ലസ് ടു വിദ്യാർഥിനി കരുവന്നൂർ തെക്കൂടൻ വീട്ടിൽ ജോസിന്റെ മകൾ ഗ്ലോറിയയാണ് സ്കൂളിൽ നിന്നും വൈകീട്ട് ബസ്സിൽ മടങ്ങുമ്പോൾ ചെട്ടിപ്പറമ്പ് വളവിൽ വച്ച് വണ്ടിയിൽ തെറിച്ച് വീണത്. പുറകിൽ ഉണ്ടായിരുന്ന യാത്രക്കാർ ബഹളം വച്ചതോടെ ബസ്സ് നിറുത്തി കണ്ടക്ടറും ഗ്ലോറിയയുടെ കൂട്ടുകാരും ചേർന്ന് അടുത്തുള്ള മെട്രോ ആശുപത്രിയിലും തുടർന്ന് സഹകരണ ആശുപത്രിയിലും പ്രവേശിപ്പിക്കുകയായിരുന്നു. സാധാരണ നടന്നിട്ടാണ് ബസ് സ്റ്റാൻഡിലേക്ക് മടങ്ങാറുള്ളതെന്നും മഴയായത് കൊണ്ടാണ് ബസ്സിൽ കയറിയതെന്നും ബസ്സിന്റെ പുറകിൽ പടികൾക്ക് തൊട്ട് മുകളിൽ ആയിട്ടാണ് നിന്നിരുന്നതെന്നും പുറകിലെ ഡോർ അടച്ചിരുന്നില്ലെന്നും ഗ്ലോറിയ പറഞ്ഞു.
