മേഖലയിലെ ശ്രീനാരായണഗുരു ജയന്തി ആഘോഷങ്ങൾക്കുള്ള ഒരുക്കങ്ങൾ പൂർത്തിയായി ..
ഇരിങ്ങാലക്കുട : മുകുന്ദപുരം എസ് എൻഡിപി യൂണിയൻ , എസ്എൻബിഎസ് സമാജം, എസ്എൻവൈഎസ് , ശാഖായോഗങ്ങൾ , ഇതര ശ്രീനാരായണ പ്രസ്ഥാനങ്ങൾ എന്നിവയുടെ സംയുക്താഭിമുഖ്യത്തിൽ ആഗസ്റ്റ് 31 ന് നടത്തുന്ന ശ്രീനാരായണ ഗുരു ജയന്തി ആഘോഷങ്ങക്കുള്ള ഒരുക്കങ്ങൾ പൂർത്തിയായി. 31 ന് വൈകീട്ട് 3 ന് ശ്രീകൂടൽമാണിക്യക്ഷേത്ര പരിസരത്ത് നിന്ന് താളമേളവാദ്യാഘോഷങ്ങളുടെ അകമ്പടിയോടെ നടക്കുന്ന ഘോഷയാത്ര ചലച്ചിത്ര താരം സുരേഷ് ഗോപി ഫ്ളാഗ് ഓഫ് ചെയ്യുമെന്ന് യൂണിയൻ പ്രസിഡണ്ട് സന്തോഷ് ചെറാക്കുളം, സെക്രട്ടറി കെ കെ ചന്ദ്രൻ എന്നിവർ പത്ര സമ്മേളനത്തിൽ അറിയിച്ചു. നാലരയ്ക്ക് വിശ്വനാഥപുരം ക്ഷേത്രാങ്കണത്തിൽ ഘോഷയാത്ര എത്തിച്ചേരും. തുടർന്ന് നടക്കുന്ന പൊതുസമ്മേളനം ഉന്നത വിദ്യാഭ്യാസ വകുപ്പ് മന്ത്രി ഡോ ആർ ബിന്ദു ഉദ്ഘാടനം ചെയ്യും. നഗരസഭ ചെയർപേഴ്സൺ സുജ സഞ്ജീവ്കുമാർ മുഖ്യാതിഥി ആയി പങ്കെടുക്കുന്ന ചടങ്ങിൽ ശ്രീവിശ്വനാഥപുരം ക്ഷേത്ര നവീകരണ കൂപ്പണിന്റെ വിതരണോദ്ഘാടനം ഡോ സി കെ രവി നിർവഹിക്കും. സമ്മേളനാനന്തരം തിരുവാതിരക്കളിയും ന്യത്തന്യത്യങ്ങളും അരങ്ങേറും . സമാജം പ്രസിഡന്റ് കിഷോർ കുമാർ നടുവളപ്പിൽ , സെക്രട്ടറി വേണു തോട്ടുങ്ങൽ , എസ്എൻഡിപി യോഗം കൗൺസിലർ പി കെ പ്രസന്നൻ എന്നിവരും പത്രസമ്മേളനത്തിൽ പങ്കെടുത്തു.
