ഇന്ത്യയെ മതരാഷ്ട്രമാക്കരുത് എന്ന മുദ്രവാക്യമുയർത്തി ഡിവൈഎഫ്ഐ യുടെ നേതൃത്വത്തിൽ ഇരിങ്ങാലക്കുടയിൽ സെക്കുലർ സ്ട്രീറ്റ് …
ഇരിങ്ങാലക്കുട : ഇന്ത്യയെ മത രാഷ്ട്രമാക്കരുത് എന്ന മുദ്രാവാക്യമുയർത്തി ഡിവൈഎഫ്ഐ ഇരിങ്ങാലക്കുട ബ്ലോക്ക് കമ്മിറ്റിയുടെ നേതൃത്വത്തിൽ സെക്കുലർ സ്ട്രീറ്റ് . ഇതിന്റെ ഭാഗമായുളള യുവജന റാലിയും പൊതു സമ്മേളനവും ഇരിങ്ങാലക്കുട പൂതംകുളം മൈതാനിയിൽ ഡിവൈഎഫ്ഐ തമിഴ്നാട് മുൻ സംസ്ഥാന സെക്രട്ടറി എസ് ബാലവേലൻ ഉദ്ഘാടനം ചെയ്തു.
സംഘാടക സമിതി ചെയർമാൻ വി.എ മനോജ്കുമാർ അദ്ധ്യക്ഷത വഹിച്ചു. ഡിവൈഎഫ് തൃശ്ശൂർ ജില്ലാ വൈസ് പ്രസിഡണ്ട് എൻ.ജി ഗിരിലാൽ, ജില്ലാ കമ്മിറ്റിയംഗം പി.കെ മനുമോഹൻ ,എസ്എഫ്ഐ ജില്ലാ കമ്മിറ്റിയംഗം നവ്യ കൃഷ്ണ എന്നിവർ സംസാരിച്ചു. ഡിവൈഎഫ്ഐ ഇരിങ്ങാലക്കുട ബ്ലോക്ക് സെക്രട്ടറി ഐ. വി സജിത്ത് സ്വാഗതവും ട്രഷറർ വിഷ്ണു പ്രഭാകരൻ നന്ദിയും പറഞ്ഞു.
ഇരിങ്ങാലക്കുട ബസ് സ്റ്റാൻഡ് പരിസരത്ത് നിന്ന് ആരംഭിച്ച പ്രകടനത്തിൽ നൂറു കണക്കിന് യുവജനങ്ങൾ പങ്കെടുത്തു. പ്രകടനത്തിന് ഡിവൈഎഫ് ബ്ലോക്ക് സെക്രട്ടറിയേറ്റ് അംഗങ്ങളായ ശരത്ത് ചന്ദ്രൻ ,കെ .ഡി യദു , അഖിൽ ലക്ഷ്മണൻ, പ്രസി പ്രകാശൻ, സഞ്ചയ് എം.എസ്,രഞ്ജു സതീഷ് എന്നിവർ നേതൃത്വം നൽകി.
