നടവരമ്പിൽ സ്വകാര്യ ബസ്സ് സ്കൂൾ വാനിൽ ഇടിച്ച് 15 വിദ്യാർഥികൾക്ക് പരിക്കേറ്റു…
ഇരിങ്ങാലക്കുട : സ്വകാര്യ ബസ്സ് സ്കൂൾ വാനിൽ തട്ടിയതിനെ തുടർന്ന് നിയന്ത്രണം വിട്ട വാൻ മരത്തിലിടിച്ച് പതിനഞ്ച് വിദ്യാർഥികൾക്ക് പരിക്കേറ്റു. നടവരമ്പ് കപ്പേള ജംഗ്ഷനിൽ രാവിലെ എട്ടരയോടെ ആയിരുന്നു അപകടം. ഇരിങ്ങാലക്കുട ക്രൈസ്റ്റ് വിദ്യാനികേതൻ സ്കൂൾ വാനിന്റെ വശത്ത് തൃശ്ശൂരിലേക്ക് പോകുകയായിരുന്ന എംഎസ് മേനോൻ ബസ്സ് തട്ടുകയായിരുന്നു. പരിക്കേറ്റ പതിനൊന്ന് വിദ്യാർഥികളെ താലൂക്ക് ആശുപത്രിയിലും നാല് പേരെ സഹകരണ ആശുപത്രിയിലും പ്രവേശിപ്പിച്ചു. ആരുടെയും പരിക്കുകൾ ഗുരുതരമല്ല. സഹകരണ ആശുപത്രിയിൽ നിന്നും ഒരു വിദ്യാർഥിയെ തൃശൂരിലെ സ്വകാര്യ ആശുപത്രിയിലേക്ക് മാറ്റിയിട്ടുണ്ട്.അപകടത്തിൽ വാനിന്റെ മുൻഭാഗം തകർന്നു . സ്വകാര്യ ബസ് പോലീസ് കസ്റ്റഡിൽ എടുത്തിട്ടുണ്ട്.
Please follow and like us:
