പ്രായപൂർത്തിയാകാത്ത പെൺകുട്ടികളെ പീഡിപ്പിച്ച ഇരിങ്ങാലക്കുട ആസാദ് റോഡ് സ്വദേശിയായ കടയുടമ അറസ്റ്റിൽ …
ഇരിങ്ങാലക്കുട : കടയിൽ സാധനങ്ങൾ വാങ്ങാൻ വരുന്ന പ്രായപൂർത്തിയാകാത്ത പെൺകുട്ടികളെ ആളില്ലാത്ത സമയത്ത് കടയുടെ ഉള്ളിൽ കയറ്റി പീഡിപ്പിച്ച കടയുടമ ഇരിങ്ങാലക്കുട ആസാദ് റോഡിൽ തടത്തിപറമ്പിൽ ബാബുവിനെ (62 ) റൂറൽ പോലീസ് മേധാവി ഐശ്വര്യ ഡോംഗ്രേയുടെ നിർദ്ദേശപ്രകാരം സി ഐ അനീഷ് കരീം, എസ് ഐ എം എസ് ഷാജൻ എന്നിവരുടെ നേതൃത്വത്തിൽ ഉള്ള പോലീസ് സംഘം അറസ്റ്റ് ചെയ്തു. ഇരകയായ മൂന്ന് പെൺകുട്ടികളുടെ പരാതി പ്രകാരമാണ് കേസ് എടുത്തത്. കേസ് രജിസ്റ്റർ ചെയ്തത് അറിഞ്ഞ് നാട് വിടാൻ ഒരുങ്ങിയ പ്രതിയെ പോലീസ് തന്ത്രപൂർവം അറസ്റ്റ് ചെയ്യുകയായിരുന്നു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. എസ് മാരായ എൻ കെ അനിൽകുമാർ ,കെ പി ജോർജ്ജ്, മറ്റ് ഉദ്യോഗസ്ഥരായ ഉല്ലാസ് പൂതോട്ട് , ഉമേഷ്, ഷീജ, സന്തോഷ് കുമാർ , സതീഷ് എന്നിവരും അന്വേഷണ സംഘത്തിൽ ഉണ്ടായിരുന്നു.
