കർക്കിടകഫെസ്റ്റുമായി ഇരിങ്ങാലക്കുട നഗരസഭ കുടുംബശ്രീ സിഡിഎസ് ഒന്നിന്റെ പ്രവർത്തകർ.
ഇരിങ്ങാലക്കുട : കർക്കിടകഫെസ്റ്റുമായി ഇരിങ്ങാലക്കുട നഗരസഭ കുടുംബശ്രീ സിഡിഎസ് ഒന്നിന്റെ പ്രവർത്തകർ. കർക്കിടകകഞ്ഞിയും പത്തിലക്കറിയും പോഷക സമൃദ്ധമായ ഇരുപതോളം ഉത്പന്നങ്ങളുമായിട്ടാണ് പത്ത് ദിവസം നീണ്ടു നിൽക്കുന്ന കർക്കിടക ഫെസ്റ്റ് ബസ് സ്റ്റാന്റ് യാർഡിൽ നടത്തുന്നത്. ആദ്യമായിട്ടാണ് കുടുംബശ്രീയുടെ നേതൃത്വത്തിൽ കർക്കിടകഫെസ്റ്റ് നടത്തുന്നത്. നഗരസഭ ചെയർപേഴ്സൺ സുജ സഞ്ജീവ്കുമാർ കർക്കിടക ഫെസ്റ്റ് ഉദ്ഘാടനം ചെയ്തു. സിഡിഎസ് ഒന്ന് ചെയർ പേഴ്സൺ പി കെ പുഷ്പാവതി അധ്യക്ഷയായിരുന്നു. നഗരസഭ സ്റ്റാന്റിംഗ് കമ്മിറ്റി ചെയർമാൻമാരായ ഫെനി എബിൻ വെള്ളാനിക്കാരൻ ,സി സി ഷിബിൻ, അംബിക പള്ളിപ്പുറത്ത് എന്നിവർ ആശംസകൾ നേർന്നു. കൺവീനർ മീനാക്ഷി ജോഷി സ്വാഗതവും വൈസ് – ചെയർ പേഴ്സൺ കാഞ്ചന കൃഷ്ണൻ നന്ദിയും പറഞ്ഞു..
