കനത്ത മഴ; കാറളത്ത് മണ്ണിടിച്ചിൽ; വേളൂക്കര പഞ്ചായത്തിൽ വൈക്കരയിൽ എട്ടോളം വീടുകൾ വെള്ളക്കെട്ടിൽ …
ഇരിങ്ങാലക്കുട : കനത്ത മഴയിൽ കാറളത്ത് മണ്ണിടിച്ചിൽ. കാറളം വെള്ളാനിയിൽ വടക്കേ കോളനിയിൽ ഞാറ്റുവെട്ടി വീട്ടിൽ സുനിത സന്തോഷിന്റെ വീടിന്റെ പുറകിലേക്കാണ് ഉച്ചയോടെ മണ്ണിടിഞ്ഞ് വീണത്. സുനിതയും ഭർത്താവ് സന്തോഷും മകളുമാണ് ഇവിടെ താമസിക്കുന്നത്. ആശങ്കയെ തുടർന്ന് മാറി താമസിക്കാൻ അധികൃതർ ഇവർക്ക് നിർദ്ദേശം നൽകി.
മഴ തുടരുന്നുണ്ടെങ്കിലും മണ്ഡലത്തിൽ കാര്യമായ നഷ്ടങ്ങൾ റിപ്പോർട്ട് ചെയ്തതിട്ടില്ല വേളൂക്കര പഞ്ചായത്തിൽ വാർഡ് 18 ൽ വൈക്കര പ്രദേശത്തുള്ള ചോരംപ്പാടത്ത് എട്ടോളം വീടുകൾ വെള്ളക്കെട്ടിൽ ആയതായി പരിസരവാസികൾ പറഞ്ഞു. കൈത്തോട് തുറന്ന് വെള്ളം ഒഴുകി പോകാനുള്ള നടപടികൾ സ്വീകരിച്ചതായി വാർഡ് മെമ്പർ ഗാവറോഷ് അറിയിച്ചു. പടിയൂർ പഞ്ചായത്തിൽ വെള്ളം കയറുന്ന സാഹചര്യത്തിൽ കൂത്തുമാക്കൽ സ്ലൂയിസിന്റെ ഷട്ടറുകൾ കൂടുതലായി തുറക്കാൻ നിർദ്ദേശം നൽകിയതായി പഞ്ചായത്ത് അധികൃതർ അറിയിച്ചു. കെട്ടുച്ചിറ തുറക്കാനുള്ള നടപടികളും ആയതായും വ്യക്തമാക്കിയിട്ടുണ്ട്.
