വയോജന സംഗമവുമായി ഇരിങ്ങാലക്കുട നഗരസഭയുടെ ഞാറ്റുവേല മഹോൽസവം.ടൗൺഹാളിൽ നടന്ന ചടങ്ങിൽ ടി.എൻ. പ്രതാപൻ എം പി വയോജനസംഗമം ഉദ്ഘാടനം ചെയ്തു.
ഇരിങ്ങാലക്കുട : വയോജന സംഗമവുമായി ഇരിങ്ങാലക്കുട നഗരസഭയുടെ ഞാറ്റുവേല മഹോൽസവം.ടൗൺഹാളിൽ നടന്ന ചടങ്ങിൽ ടി.എൻ. പ്രതാപൻ എം പി വയോജനസംഗമം ഉദ്ഘാടനം ചെയ്തു.
നഗരസഭ ചെയർപേഴ്സൺ സുജ സഞ്ജീവ്കുമാർ അധ്യക്ഷത വഹിച്ചു.
ഡോ. ജയചന്ദ്രൻ നാട്ടുവള്ളി മുഖ്യാതിഥി ആയിരുന്നു.ബെർലിനിലിൽ നടന്ന സ്പെഷ്യൽ ഒളിമ്പിക്സിൽ റോളർ സ്കേറ്റിംഗിൽ ഇരട്ട സ്വർണ്ണ തിളക്കം നേടിയ പ്രതീക്ഷ ട്രെയിനിംഗ് സെന്ററിലെ വിദ്യാർത്ഥി അഭിജിത്തിനെയും വയോജനങ്ങളെ പരിപാലിക്കുന്ന സ്ഥാപനങ്ങളായ ശാന്തിസദനത്തിനു വേണ്ടി സിസ്റ്റർ അനിസിയ, ബെത് സൈദക്കുവേണ്ടി ഫാ. ഡെയ്സൺ, സാകേതത്തിനു വേണ്ടി മോഹനൻ , വാനപ്രസ്ഥത്തിനു വേണ്ടി ഗോപിനാഥ് പീടിക്കപറമ്പിലിനെയും ചടങ്ങിൽ ആദരിച്ചു. വൈസ് ചെയർമാൻ ടി.വി. ചാർളി, സ്റ്റാന്റിംഗ് കമ്മിറ്റി ചെയർമാൻമാർ , കൗൺസിലർമാർ , ഉദ്യോഗസ്ഥർ തുടങ്ങിയവർ പങ്കെടുത്തു.
