യുവജനസംഗമവുമായി ഞാറ്റുവേല മഹോൽസവം ; ജീവിതത്തിന്റെ ലഹരി നുകരാൻ ആവശ്യപ്പെട്ട് നടൻ ടൊവിനോ ; നാളെ 10 ന് വനിതാ സംഗമം …
ഇരിങ്ങാലക്കുട : ജീവിതത്തിന്റെ സ്വാഭാവിക ലഹരി നുകരാനും മറ്റ് ലഹരികളിൽ നിന്ന് വിട്ടുനിൽക്കാനും വിദ്യാർഥി സമൂഹത്തോട് ആവശ്യപ്പെട്ട് നടൻ ടൊവിനോ തോമസ് . വീട്ടുകാരിൽ നിന്നും കൂട്ടുകാരിൽ നിന്നും ലഭിക്കുന്ന സന്തോഷം വേറെ എവിടെ നിന്നും ലഭിക്കില്ലെന്നും ടോവിനോ ചൂണ്ടിക്കാട്ടി. ഇരിങ്ങാലക്കുട നഗരസഭയുടെ നേതൃത്വത്തിൽ ടൗൺ ഹാളിൽ നടന്നു വരുന്ന ഞാറ്റുവേല മഹോൽസവത്തിന്റെ ഭാഗമായി നടന്ന യുവജന സംഗമത്തിൽ മുഖ്യാതിഥിയായി പങ്കെടുത്ത് സംസാരിക്കുകയായിരുന്നു അദ്ദേഹം. കായിക വിനോദങ്ങൾ ശീലമാക്കുന്നത് ലഹരിയിൽ നിന്ന് വിട്ടു നില്ക്കാൻ ഉപകരിക്കുമെന്നും നടൻ പറഞ്ഞു. ജില്ലാ കളക്ടർ കൃഷ്ണ തേജ ഐഎഎസ് പരിപാടി ഉദ്ഘാടനം ചെയ്തു. നഗരസഭ ചെയർപേഴ്സൺ സുജ സഞ്ജീവ്കുമാർ അധ്യക്ഷത വഹിച്ചു. സ്റ്റാന്റിംഗ് കമ്മിറ്റി ചെയർമാൻമാർ , കൗൺസിലർമാർ , ഉദ്യോഗസ്ഥർ തുടങ്ങിയവർ പങ്കെടുത്തു. ഞാറ്റുവേല മഹോൽസവത്തിന്റെ ഭാഗമായി നാളെ 10 ന് ടൗൺ ഹാളിൽ വനിതാ സംഗമം നടക്കും.
