പുകസ യുടെ നേത്യത്വത്തിൽ വിവിധ മേഖലകളിൽ മികവ് കൈവരിച്ചവർക്ക് ആദരം; ചരിത്രത്തിലൂടെ ജീവിക്കുകയും ചരിത്രം സൃഷ്ടിക്കാൻ കഴിയുകയും ചെയ്യുന്ന ഒരേ ഒരു ജീവിയാണ് മനുഷ്യനെന്ന് സ്വാമി വിശ്വഭദ്രാനന്ദ …
ഇരിങ്ങാലക്കുട : ചരിത്രത്തിലൂടെ ജീവിക്കുകയും, ചരിത്രം സൃഷ്ടിക്കാൻ കഴിയുകയും ചെയ്യുന്ന ഒരേ ഒരു ജീവിയാണ് മനുഷ്യനെന്ന് സ്വാമി വിശ്വഭദ്രാനന്ദ ശക്തിബോധി .
പുരോഗമന കലാസാഹിത്യ സംഘം ഇരിങ്ങാലക്കുട ടൗൺ യൂണിറ്റ് സമ്മേളനവും,കലാസാഹിത്യ വിദ്യാഭ്യാസ മേഖലകളിൽ വിജയിച്ചവർക്കുള്ള അനുമോദനചടങ്ങും ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ഇടിസി ഹാളിൽ നടന്ന പരിപാടിയിൽ യൂണിറ്റ് പ്രസിഡണ്ട് കെ ജി സുബ്രഹ്മണ്യൻ അധ്യക്ഷത വഹിച്ചു. എഴുത്തുകാരനും പുരോഗമന കലാസാഹിത്യ സംഘം സംസ്ഥാന ജനറൽ സെക്രട്ടറിയുമായ അശോകൻ ചരുവിൽ കലാസാഹിത്യ വിദ്യാഭ്യാസ മേഖലകളിൽ നേട്ടം കൈവരിച്ചവരെ ആദരിച്ചു. ഡോ.കെ.പി.ജോർജ്, റെജില ഷെറിൻ,സനോജ് രാഘവൻ, ഡോ.പി.എസ്.ജലജ, കെ.എച്ച്.ഷെറിൻ അഹമ്മദ്, എന്നിവർ സംസാരിച്ചു.
തുടർന്ന് യൂണിറ്റംഗങ്ങളുടെ വിവിധ കലാപരിപാടികൾ അരങ്ങേറി.
