യോഗാ ദിനം ; യോഗ ക്ലബ് രൂപീകരണവും സൗജന്യ യോഗാ പരിശീലനവുമായി വേളൂക്കര പഞ്ചായത്ത് ….
ഇരിങ്ങാലക്കുട : വേളൂക്കര പഞ്ചായത്തിന്റെയും അവിട്ടത്തൂർ ആയുർവേദ ഡിസ്പെൻസറിയുടെയും സംയുക്താഭിമുഖ്യത്തിൽ യോഗാ ദിനം ആചരിച്ചു. പഞ്ചായത്ത് കമ്മ്യൂണിറ്റി ഹാളിൽ നടന്ന യോഗാ ദിനാചരണവും ആയുഷ് യോഗാ ക്ലബ് രൂപീകരണവും സൗജന്യ യോഗാ പരിശീലനവും പഞ്ചായത്ത് പ്രസിഡന്റ് കെ എസ് ധനീഷ് ഉദ്ഘാടനം ചെയ്തു. വൈസ് – പ്രസിഡന്റ് ജെൻസി ബിജു അധ്യക്ഷയായിരുന്നു. യോഗ ഇൻസ്ട്രക്ടർ വിജി പി എം ക്ലാസ്സെടുത്തു. ക്ഷേമ കാര്യ സ്റ്റാന്റിംഗ് കമ്മിറ്റി ചെയർമാൻ ഷീജ ഉണ്ണികൃഷ്ണൻ , അംഗങ്ങളായ സതീഷ് പി ജെ, ലീന ഉണ്ണികൃഷ്ണൻ , രഞ്ജിത ഉണ്ണികൃഷ്ണൻ , കെ കെ യൂസഫ്, വിൻസെന്റ് കാനംകുടം , പി വി മാത്യു, ഡോ കെ എൻ നീലിമ എന്നിവർ ആശംസകൾ നേർന്നു. ആരോഗ്യ സ്റ്റാന്റിംഗ് കമ്മിറ്റി ചെയർമാൻ ഗാവരോഷ് പി എം സ്വാഗതവും വികസന സ്റ്റാന്റിംഗ് കമ്മിറ്റി ചെയർമാൻ ഷീബ നാരായണൻ നന്ദിയും പറഞ്ഞു.
