ഷീ ലോഡ്ജ് യാഥാര്‍ത്ഥ്യമാക്കണമെന്ന്
കേരളമഹിളാസംഘം ഇരിങ്ങാലക്കുട മണ്ഡലം സമ്മേളനം …
ഇരിങ്ങാലക്കുട: തൃശ്ശൂര്‍ ജില്ലാ പഞ്ചായത്ത് വിഭാവനം ചെയ്യുകയും,പിന്നീട് സംസ്ഥാന സര്‍ക്കാര്‍ ഏറ്റെടുക്കുകയും ചെയ്ത ഷീ ലോഡ്ജ് എത്രയും വേഗം യാഥാര്‍ത്ഥ്യമാക്കണമെന്ന് കേരള മഹിളാ സംഘം ഇരിങ്ങാലക്കുട മണ്ഡലം സമ്മേളനം. ടൗൺ ഹാളിൽ നടന്ന സമ്മേളനം മഹിളാ സംഘം സംസ്ഥാന വൈസ്- പ്രസിഡണ്ട് ഇ എസ് ബിജിമോൾ ഉദ്ഘാടനം ചെയ്തു. സിപിഐ മുതിർന്ന നേതാവ് കെ ശ്രീകുമാർ , ജില്ലാ സെക്രട്ടറി എം സ്വർണ്ണലത , സിപിഐ മണ്ഡലം സെക്രട്ടറി പി മണി, എഐവൈഎഫ് ജില്ലാ പ്രസിഡണ്ട് ബിനോയ് ഷബീർ, സെക്രട്ടറി ടി വി വിബിൻ, മിഥുൻ പോട്ടോക്കാരൻ എന്നിവർ സംസാരിച്ചു. സിന്ധു പ്രദീപ് സ്വാഗതവും ബിന്ദു സാജു നന്ദിയും പറഞ്ഞു.ഭാരവാഹികളായി പ്രസിഡന്റ് സുമതി തിലകൻ ,സെക്രട്ടറി അനിതാ രാധാകൃഷ്ണൻ ,ട്രഷറര്‍ പ്രിയസുനില്‍ ,വൈസ് പ്രസിഡന്റ് ജിഷ ജോബി,ബിന്ദു സാജു , ഷൈല അശോക്,ജോ: സെക്രട്ടറി ഷീല അജയഘോഷ്,അൽഫോൺസ തോമസ്,സുധ ദിലീപ്,എന്നിവരെ സമ്മേളനം തിരഞ്ഞെടുത്തു.
