പുതുക്കാട് മേഖലയിൽ വൻ മയക്കുമരുന്ന് വേട്ട; അതിമാരക രാസലഹരി മരുന്നുമായി യുവാക്കൾ അറസ്റ്റിൽ …
പുതുക്കാട് : ആമ്പല്ലൂർ ,പാലിയേക്കര പ്രദേശങ്ങളിലായി പോലീസ് നടത്തിയ പരിശോധനയിൽ രണ്ട് കേസുകളിലായി 54 ഗ്രാം നിരോധിത മയക്കുമരുന്നായ എംഡിഎംഎ യുമായി നാല് യുവാക്കൾ അറസ്റ്റിൽ. പാലിയേക്കര ടോൾ പ്ലാസക്കു സമീപത്തു നിന്ന് 8 ഗ്രാം എംഡിഎംഎ യുമായി വല്ലച്ചിറ ആറ്റുപുറത്ത് രാഹുൽ ( 24 ), വല്ലച്ചിറ ചേന്നാട്ട് പ്രണവ് (27) എന്നിവരെയും ആമ്പല്ലൂർ വടക്കുമുറിയിൽ വർക്ക് ഷോപ്പിൽ കച്ചവടത്തിനായി 46 ഗ്രാം എംഡിഎംഎ കൈവശം വച്ചതിന് കല്ലൂർ നായരങ്ങാടി ആളൂക്കാരൻ റോയ് (36), ഞള്ളൂർ ഇഞ്ചോടി വീട്ടിൽ അതുൽ ( 22 ) എന്നിവരെയുമാണ് പുതുക്കാട് സി ഐ സുനിൽദാസിന്റെ നേതൃത്വത്തിൽ എസ് ഐ സൂരജ് കെ എസ് , ഉദ്യോഗസ്ഥരായ ലീല വേലായുധൻ ,ഉണ്ണികൃഷ്ണൻ,ഷീബ അശോകൻ , ജിലേഷ്, സുജിത്ത്,ശ്രീജിത്ത് ,ജറിൽ അജിത്ത്കുമാർ , സിനേഷ് , വിശ്വനാഥൻ കെ കെ എന്നിവരടങ്ങിയ അന്വേഷണ സംഘം അറസ്റ്റ് ചെയ്തത്.തൃശൂർ റൂറൽജില്ലാ പോലീസ് മേധാവി ഐശ്വര്യ ഡോങ്റേ യുടെ നിർദ്ദേശപ്രകാരം ചാലക്കുടി ഡിവൈഎസ്പി സന്തോഷ് സി ആർ നേതൃത്വത്തിൽ ഉൽസവ സീസണോടനുബന്ധിച്ച് സ്ഥലത്ത് ശക്തമായ പോലീസ് പരിശോധന നടത്തുന്നതിനിടയിലാണ് പ്രതികൾ അറസ്റ്റിലായത് . ബാംഗ്ലൂരിൽ നിന്ന് ചെറിയ സംഘങ്ങളായി പോയി കച്ചവടത്തിനായാണ് പ്രതികൾ എംഡിഎംഎ കൊണ്ടുവന്നതെന്നാണ് അന്വേഷണത്തിൽ വ്യക്തമായത്. പിടികൂടിയ പ്രതികളെ നടപടി ക്രമങ്ങൾ പാലിച്ച് കോടതിയിൽ ഹാജരാക്കി. വിശദമായ അന്വേഷണത്തിന് പ്രത്യേക സംഘത്തെ നിയോഗിക്കുമെന്ന് പോലീസ് അറിയിച്ചു.
