2023 ലെ മാണിക്യശ്രീ പുരസ്കാരം ഭാവഗായകൻ പി ജയചന്ദ്രന് സമർപ്പിച്ചു …
ഇരിങ്ങാലക്കുട : ശ്രീകൂടൽമാണിക്യ ദേവസ്വം എർപ്പെടുത്തിയിട്ടുള്ള മാണിക്യശ്രീ പുരസ്കാരം ഭാവഗായകൻ പി ജയചന്ദ്രന് സമർപ്പിച്ചു. ഉൽസവത്തോടനുബന്ധിച്ച് സംഗമം വേദിയിൽ സംഘടിപ്പിച്ച സാംസ്കാരിക സമ്മേളന വേദിയിൽ വച്ച് ദേവസ്വം ചെയർമാൻ പ്രദീപ് മേനോൻ പുരസ്കാരം സമർപ്പിച്ചു. ദേവസ്വം ചെയർമാൻ അധ്യക്ഷത വഹിച്ച ചടങ്ങിൽ ക്യൂബ ട്രേഡ് കമ്മീഷണറായ നിയമിതനായ ഐസിഎൽ ഫിൻകോർപ്പ് എംഡി കെ ജി അനിൽകുമാർ , ദേവസ്വം കൺസൽട്ടന്റ് പ്രൊഫ വി കെ ലക്ഷ്മണൻനായർ , പ്രവാസി വ്യവസായി തോട്ടാപ്പിള്ളി വേണുഗോപാലമേനോൻ എന്നിവരെ ആദരിച്ചു. നഗരസഭ ചെയർപേഴ്സൺ സോണിയ ഗിരി, നഗരസഭ കൗൺസിലർ അഡ്വ കെ ആർ വിജയ , സാമൂഹ്യ പ്രവർത്തകൻ നളിൻ എസ് മേനോൻ , ഡോ കേസരി മേനോൻ , ദേവസ്വം ഭരണസമിതി അംഗങ്ങളായ ഭരതൻ കണ്ടേങ്കാട്ടിൽ, അഡ്വ കെ ജി അജയകുമാർ , കെ എ പ്രേമരാജൻ, കെ ജി സുരേഷ് ,എ വി ഷൈൻ എന്നിവർ പങ്കെടുത്തു.
