സ്വാതിതിരുന്നാൾ സംഗീതോൽസവത്തിന് തുടക്കമായി ; നാദോപാസന – ഗുരുവായൂരപ്പൻ ഗാനാഞ്ജലി സുവർണ്ണ മുദ്ര ഡോ കെ എൻ രംഗനാഥശർമ്മക്ക് സമ്മാനിച്ചു …
ഇരിങ്ങാലക്കുട : ഈ വർഷത്തെ നാദോപാസന – ഗുരുവായൂരപ്പൻ ഗാനാഞ്ജലി സുവർണ്ണ മുദ്ര പുരസ്കാരം കർണ്ണാടക സംഗീതജ്ഞൻ ഡോ കെ എൻ രംഗനാഥശർമ്മക്ക് സമ്മാനിച്ചു. ഇരിങ്ങാലക്കുട മഹാത്മാ ഗാന്ധി പാർക്കിലെ വേദിയിൽ നടന്ന ശ്രീ സ്വാതിതിരുനാൾ സംഗീതോത്സവത്തിൽ വച്ച് തൃശ്ശൂർ ഐജിഎൻസിഎ റീജിയണൽ ഡയറക്ടർ പ്രൊഫ. മാനസി രഘുനന്ദൻ പുരസ്കാരം സമർപ്പിച്ചു. സംഗീതോൽസവം സംഗീതനാടക അക്കാദമി സെക്രട്ടറി കരിവെള്ളൂർ മുരളി ഉദ്ഘാടനം ചെയ്തു.നാദോപാസ പ്രസിഡണ്ട് മുരളി ഹരിതം അധ്യക്ഷത വഹിച്ചു. ശ്രീഗുരുവായൂരപ്പൻ ഗാനാഞ്ജലി പുരസ്കാരം സ്വാതി രംഗനാഥ് , ആര്യവ്യന്ദ വി നായർ , ജയന്ത് രാമവർമ്മ, രാഗസുധ ബാലസുബ്രമണ്യം , അനന്യ പാർവതി, പ്രണവ് അഡിഗ എന്നിവർ എറ്റ് വാങ്ങി. കെഎസ്ഇ എം ഡി എം പി ജാക്സൻ മുഖ്യാതിഥിയായിരുന്നു. നഗരസഭ ചെയർപേഴ്സൺ സോണിയ ഗിരി, കൗൺസിലർ സ്മിത കൃഷ്ണകുമാർ , കൂടൽമാണിക്യം ദേവസ്വം ചെയർമാൻ
പ്രദീപ് മേനോൻ ,സുശീല മാരാർ, കെ ഗോപാൽ തുടങ്ങിയവർ സംസാരിച്ചു.
