പ്രിയ നടന്റെ വസതിയിലേക്കും ജനപ്രവാഹം; സംസ്കാര ചടങ്ങുകൾക്ക് ശേഷം നാളെ 11 ന് പൗരാവലിയുടെ നേത്യത്വത്തിൽ അനുശോചനയോഗം …
ഇരിങ്ങാലക്കുട : പ്രിയ നടന് ആദരാഞ്ജലികൾ നേരാൻ വസതിയിലേക്കും ജനപ്രവാഹം. ഇരിങ്ങാലക്കുട ടൗൺ ഹാളിൽ നിന്ന് നേരത്തെ നിശ്ചയിച്ച പ്രകാരം വൈകീട്ട് അഞ്ച് മണിയോടെ ഇന്നസെന്റിന്റെ വസതിയായ പാർപ്പിടത്തിലേക്ക് വിലാപയാത്രയായിട്ടാണ് ഭൗതികശരീരം കൊണ്ട് പോയത്. രാത്രിയും വീട്ടിലേക്ക് ആളുകളുടെ ഒഴുക്ക് തുടരുകയാണ്. നിയമസഭ സ്പീക്കർ എ എൻ ഷംസീർ , നടൻമാരായ മോഹൻലാൽ , സുരേഷ് ഗോപി എന്നിവർ വീട്ടിലെത്തിയാണ് അന്തിമോപചാരം അർപ്പിച്ചത്. നാളെ രാവിലെ 9.30 ന് സെന്റ് തോമസ് കത്തീഡ്രലിൽ നടക്കുന്ന സംസ്കാര ചടങ്ങുകൾക്ക് ശേഷം 11 ന് പൗരാവലിയുടെ ആഭിമുഖ്യത്തിൽ ടൗൺ ഹാളിൽ അനുശോചന യോഗം നടക്കും.
Please follow and like us:
