തെരുവ് നായയുടെ ആക്രമണം; വിദ്യാര്‍ഥിക്ക് ഗുരുതര പരിക്ക്..
ഇരിങ്ങാലക്കുട : തെരുവ് നായയുടെ ആക്രമണത്തില്‍ വിദ്യാര്‍ഥിക്ക് ഗുരുതരമായി പരിക്കേറ്റു. കരൂപ്പടന്ന പുതിയറോഡ് ഓയില്‍ മില്‍ ജംഗ്ഷനില്‍ വച്ച് രാവിലെയാണ് സംഭവം. കരൂപ്പടന്ന ഗവ. സ്‌കൂളിലെ എട്ടാം ക്ലാസ് വിദ്യാര്‍ഥി മുസാഫരിക്കുന്ന് കൊമ്പനെഴുത്ത് വീട്ടില്‍ മുസമ്മിലുവിന്റെ മകന്‍ മുഹമ്മദ് സിനാന്‍ (14) ആണ് പരിക്കേറ്റത്. കൂട്ടുകാരുമൊത്ത് നടന്നുപോകുമ്പോഴാണ് തെരുവ് നായ്ക്കളുടെ ആക്രമണം ഉണ്ടായത്. കാലിനും കൈകളിലും ആഴത്തില്‍ മുറിവേറ്റിട്ടുണ്ട്. വെള്ളാങ്ങല്ലൂർ പ്രാഥമിക ആരോഗ്യ കേന്ദ്രത്തില്‍ പ്രഥമ ശുശ്രൂഷ നല്‍കിയ ശേഷം വിദഗ്ധ ചികില്‍സക്കായി തൃശൂര്‍ മെഡിക്കല്‍ കോളേജില്‍ പ്രവേശിപ്പിച്ചു.
Please follow and like us:
