നാരീ പൂജയുടെ മറവില്‍ യുവതിയെ പീഡിപ്പിച്ച സംഭവത്തില്‍ കോമ്പാറ സ്വദേശിയായ യുവാവ് അറസ്റ്റില്‍…
ഇരിങ്ങാലക്കുട: നാരീ പൂജയുടെ മറവില്‍ യുവതിയെ പീഡിപ്പിച്ച സംഭവത്തില്‍ യുവാവ് അറസ്റ്റില്‍. ഇരിങ്ങാലക്കുട കോമ്പാറ സ്വദേശി കോക്കാട്ട് പ്രദീപ്(43) നെയാണ് ഇരിങ്ങാലക്കുട പോലീസ് അറസ്റ്റ് ചെയ്തത്. പേരാമ്പ്ര സ്വദേശിനിയുടെ പരാതിപ്രകാരമാണ് അറസ്റ്റ്. മൂന്നു വര്‍ഷം മുമ്പാണ് കേസിനാസ്പദമായ സംഭവം നടന്നത്. പല വീടുകളിലും ഇയാള്‍ പൂജാ കര്‍മങ്ങള്‍ നടത്താറുണ്ട്. നാരീ പൂജക്കിടയില്‍ യുവതിയുടെ ചിത്രങ്ങള്‍ മൊബൈലില്‍ പകര്‍ത്തുകയും പീഡിപ്പിച്ചുവെന്നുമാണ് പരാതിയിൽ ഉള്ളത്. ഇരിങ്ങാലക്കുട സിഐ അനീഷ് കരീമിന്റെ നേതൃത്വത്തിലുള്ള സംഘമാണ് അറസ്റ്റ് ചെയ്തത്. കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു.
Please follow and like us:
