ഇരിങ്ങാലക്കുട നഗരസഭാ ഓഫീസിൽ ദേശീയ പതാക തലതിരിച്ച് കെട്ടിയ സംഭവത്തിൽ കേസ്സെടുത്ത് പോലീസ് …
ഇരിങ്ങാലക്കുട: ഇരിങ്ങാലക്കുട നഗരസഭാ ഓഫീസിൽ ദേശീയ പതാക തലതിരിച്ച് കെട്ടിയ സംഭവത്തിൽ പോലീസ് കേസ്സെടുത്തു. ഇത് സംബന്ധിച്ച കൂടുതൽ അന്വേഷണം നടത്തി സംഭവത്തിന് ഉത്തരവാദികളായവരെ പ്രതി ചേർക്കുമെന്ന് ഇരിങ്ങാലക്കുട പോലീസ് അറിയിച്ചു. ഞായറാഴ്ച നഗരസഭ മൈതാനത്ത് കളിക്കാൻ എത്തിയവരാണ് , നഗരസഭ ഓഫീസിന് മുകളിൽ ദേശീയ പതാക തലതിരിച്ച് കെട്ടിയതായി കണ്ടെത്തിയത്. സംഭവം സാമൂഹ്യ മാധ്യമങ്ങളിൽ പലരും പങ്ക് വയ്ക്കുകയും ചെയ്തു. തുടർന്ന് നഗരസഭ അധികൃതരുടെ നിർദ്ദേശ പ്രകാരം ജീവനക്കാരെത്തി പതാക ശരിയായ രീതിയിൽ കെട്ടുകയായിരുന്നു.
Please follow and like us:
