കുംഭ വിത്ത് മേള ; ശ്രദ്ധേയമായി ഫോട്ടോ പ്രദർശനവും …
ഇരിങ്ങാലക്കുട : പട്ടണത്തിൽ ആദ്യമായി നടന്ന കുംഭ വിത്ത് മേളയിൽ ശ്രദ്ധേയമായി ഫോട്ടോ പ്രദർശനം. ഫോട്ടോഗ്രാഫേഴ്സ് അസോസിയേഷൻ ഇരിങ്ങാലക്കുട മേഖല കമ്മിറ്റിയുടെ നേത്യത്വത്തിലാണ് ടൗൺ ഹാളിൽ പ്രദർശനം സംഘടിപ്പിച്ചത്. കൃഷിയുമായി ബന്ധപ്പെട്ട അമ്പത് ചിത്രങ്ങളാണ് പ്രദർശനത്തിൽ ഇടം പിടിച്ചത്. അംഗീകാരങ്ങൾ നേടിയ വി കെ രാജൻ സാന്റോ വിസ്മയ എന്നിവരുടെ ചിത്രങ്ങളും പ്രദർശനത്തിൽ ഉണ്ടായിരുന്നു. പട്ടണത്തിൽ ഒരു ആർട്ട് ഗ്യാലറി തുടങ്ങാൻ നടപടികൾ സ്വീകരിക്കണമെന്ന് ആവശ്യപ്പെട്ടുള്ള നിവേദനം അസോസിയേഷൻ ഉന്നത വിദ്യാഭ്യാസ വകുപ്പ് മന്ത്രിക്ക് കൈമാറി. മുതിർന്ന അംഗങ്ങളായ എ എസ് ശശി, എ സി ജയൻ , വി കെ രാജൻ, അസോസിയേഷൻ ഭാരവാഹികൾ എന്നിവർ നേത്യത്വം നല്കി.
Please follow and like us:
