നാലാമത് ഇരിങ്ങാലക്കുട രാജ്യാന്തര ചലച്ചിത്രമേള മാർച്ച് 3 മുതൽ ; ” നിറയെ തത്തകളുള്ള മരം “ഉദ്ഘാടന ചിത്രം ..
ഇരിങ്ങാലക്കുട : ഇരിങ്ങാലക്കുട ഫിലിം സൊസൈറ്റിയുടെ നേത്യത്വത്തിൽ തൃശ്ശൂർ രാജ്യാന്തര ചലച്ചിത്രോൽസവം, ഫെഡറേഷൻ ഓഫ് ഫിലിം സൊസൈറ്റീസ് , ക്രൈസ്റ്റ് കോളേജിലെ കൊട്ടക ഫിലിം ക്ലബ് എന്നിവയുടെ സഹകരണത്തോടെ നടത്തുന്ന നാലാമത് ഇരിങ്ങാലക്കുട രാജ്യാന്തര ചലച്ചിത്ര മേള മാർച്ച് 3ന് ആരംഭിക്കും. മാർച്ച് 3 മുതൽ 9 വരെയുള്ള ദിവസങ്ങളിലായി മാസ് മൂവീസിലും ഓർമ്മ ഹാളിലുമായി വിവിധ ഭാഷകളിൽ നിന്നുള്ള 21 ചിത്രങ്ങളാണ് മേളയിൽ പ്രദർശിപ്പിക്കുന്നത്. മാർച്ച് 3 ന് മാസ് മൂവീസിൽ രാവിലെ 10 ന് മലയാള ചിത്രമായ നിറയെ തത്തകളുള്ള മരം, 12 ന് ബംഗാളി ചിത്രമായ നിഹാരിക വൈകീട്ട് 6 ന് ഓർമ്മ ഹാളിൽ തെലുങ്ക് ചിത്രമായ സിനിമാ ബണ്ടി എന്നിവ പ്രദർശിപ്പിക്കും. മേളയുടെ ഔപചാരികമായ ഉദ്ഘാടനം മാർച്ച് 5 ന് രാവിലെ 9.30 ന് ഉന്നത വിദ്യാഭ്യാസ വകുപ്പ് മന്ത്രി ഡോ ആർ ബിന്ദു നിർവഹിക്കും.
