കേന്ദ്ര-സംസ്ഥാന ബജറ്റുകളിലെ നികുതി വർധനവിനും വിലക്കയറ്റത്തിനുമെതിരെ ജനസദസ്സുമായി കോൺഗ്രസ്സ് …
ഇരിങ്ങാലക്കുട : കേന്ദ്ര സംസ്ഥാന ബജറ്റിലെ നികുതി വർധനവിനും വിലക്കയറ്റത്തിനും, വൈദ്യുതി ,വെള്ളം എന്നിവയുടെ ചാർജ്ജ് വർധനവിനുമെതിരെ കോൺഗ്രസ്സ് ഇരിങ്ങാലക്കുട ടൗൺ മണ്ഡലം കമ്മറ്റിയുടെ നേതൃത്വത്തിൽ സായാഹ്ന ജനസദസ്സ് സംഘടിപ്പിച്ചു. മണ്ഡലം പ്രസിഡന്റ് ജോസഫ് ചാക്കോ അധ്യക്ഷതയിൽ ആൽത്തറ പരിസരത്ത് നടന്ന ജനസദസ്സ് കെ.പി.സി.സി മെമ്പർ എം. പി ജാക്‌സൺ ഉദ്ഘാടനം ചെയ്തു. മുനിസിപ്പൽ ചെയർപേഴ്സൺ സോണിയ ഗിരി, ബ്ലോക്ക് കോൺഗ്രസ്സ് പ്രസിഡന്റ് ടി വി ചാർളി, പി കെ ജിനൻ, ഓ എസ് അവിനാഷ് എന്നിവർ സംസാരിച്ചു. ബ്ലോക്ക് മണ്ഡലം ഭാരവാഹികളായ എൽ ഡി ആന്റോ, വിജയൻ ഇളയേടത്ത്,എം ആർ ഷാജു, വി സി വർഗീസ്, സുജ സഞ്ജീവ്കുമാർ, കെ കെ ചന്ദ്രൻ, അഡ്വ. നിതിൻ തോമസ്, ജോസ് മാമ്പിള്ളി, സിജു യോഹന്നാൻ, കെ എം ധർമ്മരാജൻ, എ സി സുരേഷ്, കുര്യൻ ജോസഫ്,പോൾ കരുമാലിക്കൽ ,വി. എം ബാലകൃഷ്ണൻ, തോമസ് കോട്ടോളി, ടി ജി പ്രസന്നൻ, തുടങ്ങിയവർ നേതൃത്വം നൽകി.
