കണ്ടംകുളത്തി ദക്ഷിണേന്ത്യൻ ഫുട്ബോൾ ടൂർണ്ണമെന്റ് ; വ്യാസയും ദേവഗിരിയും സെന്റ് തോമസും കേരള വർമ്മയും സെമിയിൽ …
ഇരിങ്ങാലക്കുട : 61 – മത് കണ്ടംകുളത്തി ദക്ഷിണേന്ത്യൻ ഫുട്ബോൾ ടൂർണ്ണമെന്റിന്റെ സെമിയിൽ വടക്കാഞ്ചേരി വ്യാസയും കോഴിക്കോട് ദേവഗിരിയും നാളെ എറ്റുമുട്ടും. ഉച്ചക്ക് രണ്ട് മണിക്കാണ് ആദ്യ മൽസരം . നാല് മണിക്ക് നടക്കുന്ന രണ്ടാമത്തെ സെമിയിൽ തൃശ്ശൂർ സെന്റ് തോമസ് തൃശ്ശൂർ കേരളവർമയെ നേരിടും . ഞായറാഴ്ച നടന്നക്വാർട്ടർ മൽസരങ്ങളിൽ വ്യാസ ആതിഥേരായ ക്രൈസ്റ്റിനെ 2-1 എന്ന സ്കോറിനും കോഴിക്കോട് ദേവഗിരി പഴഞ്ഞി എംഡി യെ 2-1 എന്ന സ്കോറിനും സെന്റ് തോമസ് മറുപടിയില്ലാത്ത നാല് ഗോളുകൾക്ക് മംഗലാപുരം യനപോയയെയും തോല്പിച്ചു. കണ്ണൂർ എസ് എൻ കോളേജ് ടീം എത്താഞ്ഞതിനെ തുടർന്ന് നാലാമത്തെ ക്വാർട്ടർ ഫൈനൽ മത്സരം നടന്നില്ല. ത്യശ്ശൂർ കേരളവർമ്മ സെമിയിൽ ഇടം തേടി. ക്രൈസ്റ്റ് കോളേജ് ഗ്രൗണ്ടിലാണ് മൽസരങ്ങൾ നടക്കുന്നത്.
