61 – മത് കണ്ടംകുളത്തി ദക്ഷിണേന്ത്യൻ ഫുട്ബോൾ ടൂർണ്ണമെന്റ് ; കേരളവർമ്മയും സെന്റ് തോമസും ദേവഗിരിയും എനപോയയും ക്വാർട്ടറിൽ ; ആദ്യ ക്വാർട്ടറിൽ വടക്കാഞ്ചേരി വ്യാസ ആതിഥേയരെ നേരിടും ..
ഇരിങ്ങാലക്കുട : ക്രൈസ്റ്റ് കോളേജ് ഗ്രൗണ്ടിൽ നടന്ന് വരുന്ന 61-മത് കണ്ടംകുളത്തി ദക്ഷിണേന്ത്യൻ ടൂർണമെന്റിന്റെ ആദ്യ ക്വാർട്ടറിൽ വടക്കാഞ്ചേരി വ്യാസ ആതിഥേരായ ക്രൈസ്റ്റിനെ നേരിടും . ഞായറാഴ്ച രാവിലെ 6.30 നാണ് ആദ്യമൽസരം . തുടർന്ന് നടക്കുന്ന ക്വാർട്ടർ മൽസരങ്ങളിൽ പഴഞ്ഞി എംഡി കോഴിക്കോട് ദേവഗിരിയെയും തൃശ്ശൂർ കേരളവർമ്മ കണ്ണൂർ എസ് എൻ കോളേജിനെയും തൃശ്ശൂർ സെന്റ് തോമസ് മംഗലാപുരം എനപോയയെയും നേരിടും .
ശനിയാഴ്ച നടന്ന മൽസരങ്ങളിൽ കേരളവർമ്മ മറുപടിയില്ലാത്ത രണ്ട് ഗോളുകൾക്ക് പാലക്കാട് വിക്ടോറിയയെയും സെന്റ് തോമസ് രണ്ട് ഗോളുകൾക്ക് തുമ്പ സെന്റ് സേവ്യേഴ്സിനെയും കോഴിക്കോട് ദേവഗിരി മറുപടിയില്ലാത്ത ഒരു ഗോളിന് എൽത്തുരുത്ത് സെന്റ് അലോഷ്യസിനെയും മംഗലാപുരം എനപോയ കോളേജ് കോഴിക്കോട് ജെഡിറ്റിയെ ഷൂട്ട് ഔട്ടിലും തോല്പിച്ചു.
