ക്രൈസ്റ്റ് കോളജ് വിദ്യാര്‍ഥികള്‍ സഞ്ചരിച്ച ബസ് മറിഞ്ഞ് അധ്യാപകർ ഉൾപ്പെടെ 17 പേർക്ക് പരിക്കേറ്റു; അപകടം നടന്നത് മധ്യ പ്രദേശിലെ റായ്പ്പൂരയിൽ വച്ച് ..
ഇരിങ്ങാലക്കുട: ക്രൈസ്റ്റ് കോളജിലെ അവസാന വർഷ ജിയോളജി വിദ്യാര്‍ഥികള്‍ സഞ്ചരിച്ച ബസ് മറിഞ്ഞ് അധ്യാപകർ ഉൾപ്പെടെ 16 പേർക്ക് പരിക്കേറ്റു. മധ്യപ്രദേശിലെ റായ്പ്പുരയിൽ ഇന്ന് വൈകീട്ട് ഏഴരയോടെ ആയിരുന്നു അപകടം. ഇവരെ കട്ന ആശുപത്രിയിൽ പ്രവേശിപ്പിച്ചു. തലയ്ക്ക് പരിക്കേറ്റ ഒരു വിദ്യാർഥിയെ ജബൽപൂർ ആശുപത്രിയിലേക്ക് മാറ്റി. പഠന യാത്രയുടെ ഭാഗമായി ഈ മാസം 14 നാണ് ആറ് അധ്യാപകരും 71 വിദ്യാർഥികളും ട്രെയിനിൽ മധ്യപ്രദേശിലേക്ക് യാത്ര തിരിച്ചത്. തുടർന്ന് രണ്ട് ബസ്സുകളിലായുള്ള യാത്രക്കിടയിൽ ഒരു ബസ്സ് പാടത്തേക്ക് മറിഞ്ഞാണ് അപകടം ഉണ്ടായത്. ജിയോളജി വകുപ്പ് തലവൻ ലിന്റോ ആലപ്പാടിന്റെ നേത്യത്വത്തിലാണ് യാത്ര . പരിക്കേറ്റവരിൽ അധ്യാപകരായ ലിന്റോ , ശ്വേത എന്നിവരുമുണ്ട്. കോളേജിലെ സെൽഫ് ഫിനാൻസ് ഡയറക്ടർ ഫാ. വിൽസൻ തറയിൽ നാളെ മധ്യപ്രദേശിലേക്ക് പുറപ്പെടുമെന്നും ആരുടെയും പരിക്കുകൾ ഗുരുതരമല്ലെന്നും കോളേജ് അധികൃതർ അറിയിച്ചു.
