കൊടുങ്ങല്ലൂരിൽ വൻ സ്പിരിറ്റ് വേട്ട; അഞ്ഞൂറ് ലിറ്റർ സ്പിരിറ്റുമായി അന്തിക്കാട് സ്വദേശി പിടിയിൽ …
കൊടുങ്ങല്ലൂർ: കൊടുങ്ങല്ലൂർ പോലീസ് സ്റ്റേഷൻ പരിധിയിൽ കോട്ടപ്പുറം ബൈ പാസിൽ വെച്ച് തൃശ്ശൂർ റൂറൽ ജില്ലാ ഡാൻസാഫ് ടീമും കൊടുങ്ങല്ലൂർ പോലീസും കാറിൽ കടത്തുകയായിരുന്ന 500 ലിറ്ററോളം സ്പിരിറ്റുമായി അന്തിക്കാട് പുത്തൻപീടിക ഇക്കണ്ടപറമ്പിൽ വീട്ടിൽ സുനിൽ (55) എന്നയാളെയാണ് പിടികൂടി. തുടർന്ന് നടത്തിയ തുടരന്വേഷണത്തിൽ സ്പിരിറ്റ് കൊണ്ടുവന്ന എറണാകുളം റൂറൽ ജില്ല പരിധിയിൽ വരുന്ന ആലുവ അശോകപുരം എന്ന സ്ഥലത്തുള്ള ഗോഡൗണിൽ നടത്തിയ പരിശോധനയിൽ 800 ലിറ്ററോളം സ്പിരിറ്റ് കണ്ടെടുത്ത് എറണാകുളം റൂറൽ പോലീസിന് കൈമാറി.
തൃശ്ശൂർ റൂറൽ ജില്ലാ പോലീസ് മേധാവി ഐശ്വര്യ ഡോൺഗ്രെ ഐപിഎസി ന് കിട്ടിയ രഹസ്യവിവരത്തെ തുടർന്ന് ജില്ലാ ക്രൈം ബ്രാഞ്ച് ഡിവൈഎസ്പി ഷാജ് ജോസിൻ്റെ നേതൃത്വത്തിൽ ഡാൻസാഫ് ഇൻസ്പെക്ടർ അരുൺ ബി കെ , കൊടുങ്ങല്ലൂർ സി ഐ ബൈജു, ഉദ്യോഗസ്ഥരായ സ്റ്റീഫൻ വി ജി, ജയകൃഷ്ണൻ ,ജോബ്. സി എ ,സൂരജ്. വി ദേവ്, ലിജു ഇയാനി, മിഥുൻ.ആർ കൃഷ്ണ,ഷറഫുദ്ദീൻ,മാനുവൽ എം വി , അജിത് കെ,ഹരോൾഡ് ജോർജ്, സുരേഷ് ലവൻ, മുഹമ്മദ് സിയാദ്, ജോസഫ് എന്നിവരും ചേർന്നാണ് പ്രതിയെ പിടികൂടിയത്.
തൃശ്ശൂർ റൂറൽ ജില്ലയിലെ തീരദേശ മേഖലകളിൽ കള്ള് ഷാപ്പുകളിൽ കള്ളിൽ ചേർക്കുന്നതിനും, വിദേശ മദ്യത്തിൻ്റെ സെക്കൻ്റ്സ് നിർമ്മാണത്തിനുമായി സ്പിരിറ്റ് കടത്തിക്കൊണ്ടു വരുന്നുണ്ട് എന്നുള്ള രഹസ്യവിവരം ലഭിച്ചതിൻ്റെ അടിസ്ഥാനത്തിൽ ജില്ലാ പോലീസ് മേധാവിയുടെ നിർദ്ദേശ പ്രകാരം ഡാൻസാഫ് ടീം ആഴ്ചകളായി നടത്തിവന്ന രഹസ്യാന്വേഷണത്തിനെതുടർന്നാണ് ഇപ്പൊൾ പ്രതിയെ പിടികൂടാൻ സാധിച്ചത്.
പിടിയിലായ പ്രതിക്ക് മുൻപ് എറണാകുളം റൂറൽ ജില്ലയിലെ ഏലൂർ പോലീസ് സ്റ്റേഷനിലും തൃശ്ശൂർ റൂറൽ ജില്ലയിലെ ചാലക്കുടി പോലീസ് സ്റ്റേഷനിലും സ്പിരിറ്റ് കേസ് നിലവിൽ ഉണ്ട്.
പിടിച്ചെടുത്ത സ്പിരിറ്റിന്റെ ഉറവിടവും ഇത് ആർക്ക് വേണ്ടിയാണ് കൊണ്ടു വന്നതെന്നും ഇതിൻ്റെ പിന്നിൽ പ്രവർത്തിക്കുന്നവരെയുംക്കുറിച്ചും പ അന്വേഷണം ആരംഭിച്ചു കഴിഞ്ഞതായി പോലീസ് അറിയിച്ചു.
