വർണാഭമായ പരിപാടികളോടെ മേഖലയിൽ റിപ്പബ്ലിക് ദിനാഘോഷം …
ഇരിങ്ങാലക്കുട : വർണാഭമായ പരിപാടികളോടെ മേഖലയിൽ രാജ്യത്തിന്റെ എഴുപത്തിനാലാം റിപ്പബ്ലിക് ദിനാഘോഷം. സിവിൽ സ്റ്റേഷൻ അങ്കണത്തിൽ രാവിലെ നടന്ന ചടങ്ങിൽ ഇരിങ്ങാലക്കുട ആർഡിഒ എം കെ ഷാജി പതാക ഉയർത്തി. തഹസിൽദാർ കെ ശാന്തകുമാരി , വിവിധ വകുപ്പ് ഉദ്യോഗസ്ഥർ, ജീവനക്കാർ തുടങ്ങിയവർ പങ്കെടുത്തു. മുനിസിപ്പൽ മൈതാനത്ത് നടന്ന ചടങ്ങിൽ നഗരസഭ ചെയർപേഴ്സൺ സോണിയ ഗിരി പതാക ഉയർത്തി. വൈസ് – ചെയർമാൻ ടി വി ചാർലി, സ്റ്റാന്റിംഗ് കമ്മിറ്റി ചെയർമാൻമാർ , കൗൺസിലർമാർ , മുൻ നഗരസഭ ചെയർമാൻമാർ , ഉദ്യോഗസ്ഥർ, ജീവനക്കാർ തുടങ്ങിയവർ പങ്കെടുത്തു.
ഇരിങ്ങാലക്കുട രാജീവ് ഗാന്ധി മന്ദിരത്തിൽ നടന്ന ചടങ്ങിൽ കെപിസിസി അംഗം എം പി ജാക്സൻ പതാക ഉയർത്തി. നീഡ്സിന്റെ ആഭിമുഖ്യത്തിൽ നടന്ന പരിപാടിയിൽ നീഡ്സ് പ്രസിഡണ്ട് അഡ്വ തോമസ് ഉണ്ണിയാടൻ പതാക ഉയർത്തി.
Please follow and like us:
