നാക്ക് ഗ്രേഡിംഗിൽ ഉന്നത സ്ഥാനം നേടിയ സെൻ്റ് ജോസഫ്സ് കോളേജിന് അഭിനന്ദനവുമായി കെ മോഹൻദാസ് എക്സ് എം പി ഫൗണ്ടേഷൻ …
ഇരിങ്ങാലക്കുട : നാക്ക് ഗ്രേഡിങ്ങിൽ A++ സ്ഥാനം നേടിയ ഇരിങ്ങാലക്കുട സെൻ്റ് ജോസഫ്സ് കോളേജിനെ കെ.മോഹൻദാസ് എക്സ് എം പി ഫൗണ്ടേഷൻ അനുമോദിച്ചു. അനുമോദന സമ്മേളനം മുൻ സർക്കാർ ചീഫ് വിപ്പും ഫൗണ്ടേഷൻ ചെയർമാനും ആയ അഡ്വ തോമസ് ഉണ്ണിയാടൻ ഉദ്ഘാടനം ചെയ്തു. ഇന്ത്യയിലെ മികച്ച രണ്ടാമത്തെ വനിതാ കോളേജ്,സംസ്ഥാനത്തെ ഏറ്റവും മികച്ച വനിതാ കോളേജ് എന്ന നിലകളിലേക്ക് ഉയർന്ന കോളേജിന്റെ പ്രവർത്തനം ഏവർക്കും മാതൃകയാണെന്ന് തോമസ് ഉണ്ണിയാടൻ പറഞ്ഞു.ഫൗണ്ടേഷൻ സെക്രട്ടറി മിനി മോഹൻദാസ്, വാർഡ് കൗൺസിലർ ഫെനി എബിൻ, പി. ടി . ജോർജ്ജ്, റോക്കി ആളൂക്കാരൻ, സിജോയ് തോമസ്,സേതുമാധവൻ. എം. കെ എന്നിവർ സംസാരിച്ചു.പ്രിൻസിപ്പൽ സിസ്റ്റർ എലൈസ നന്ദി പറഞ്ഞു.
Please follow and like us:
