ചാലക്കുടി ദേശീയപാതയിൽ
ലോറിക്കു പിന്നിൽ ബൈക്കിടിച്ച് രണ്ടു യുവാക്കൾ മരിച്ചു …
ചാലക്കുടി: ദേശീയപാതയിൽ പോട്ടയിൽ ടോസ് ലോറിക്കു പിന്നിൽ ബൈക്ക് ഇടിച്ച് ബൈക്കിൽ യാത്രചെയ്തിരുന്ന ചാലക്കുടി സ്വദേശികളായ രണ്ട് യുവാക്കൾ തൽക്ഷണം മരിച്ചു. ചാലക്കുടി സർക്കാർ ആശുപത്രി റോഡിൽ ആലപ്പാടൻ ജോസിന്‍റെ മകൻ ബ്രൈറ്റ് (23) ,വെട്ടുകടവ് കറുകപ്പിള്ളിൽ മാത്യു മകൻ ഷിനോജ് (24) എന്നിവരാണ് മരിച്ചത്.
കഴിഞ്ഞ ദിവസം രാത്രി 12.15 നാണ് അപകടം ഉണ്ടായത്. പോട്ട പള്ളിയിലെ തിരുനാളിനോടനുബന്ധിച്ച് നടന്ന ടൗൺ അമ്പ് കാണാൻ പോയി മടങ്ങിവരുമ്പോഴാണ് അപകടം ഉണ്ടായത്. പോട്ട ടൗണിൽ നിന്നുള്ള റോഡിൽ നിന്നും ദേശീയ പാതയിലേക്ക് ബൈക്ക് കടന്നപ്പോഴാണ് ടോറസിന്‍റെ പിന്നിൽ ഇടിച്ചത്. പരിക്കേറ്റ് റോഡിൽ വീണ് കിടന്ന യുവാക്കളെ ഹൈവേ പോലീസ് എത്തി ആശൂപത്രിയിൽ എത്തിച്ചുവെങ്കിലും ജീവൻ രക്ഷിക്കാനായില്ല. മരിച്ച ബ്രൈറ്റ് അടുത്ത ആഴ്ച കനഡയിലേക്ക് പോകാനുള്ള ഒരുക്കത്തിലായിരുന്നു. അമ്മ ബിന്ദു ചാലക്കുടി സെന്‍റ് മേരീസ് പള്ളി ഓഫീസിലെ അക്കൗണ്ടന്‍റ് ആണ്. പിതാവ് ജോസ് പള്ളി ഗായക സംഘം ലീഡറാണ്. മരിച്ച ഷിനോജ് കൊച്ചിൻ ഷിപ്പ് യാർഡിലെ ജീവനക്കാരനാണ്. അമ്മ ജോളി. സഹോദരങ്ങൾ ഷിജോ, ഷിന്‍റോ.
