മദ്യപിച്ച് ബഹളമുണ്ടാക്കിയതിനെ ചോദ്യം ചെയ്തവരെ മർദ്ദിച്ച കടുപ്പശ്ശേരി സ്വദേശി അറസ്റ്റിൽ …
ഇരിങ്ങാലക്കുട: കൂട്ടമായിരുന്ന് മദ്യപിച്ച് ശല്യമുണ്ടാക്കിയതിനെ ചോദ്യം ചെയ്ത അയൽവാസിയെയും ബന്ധുവിനെയും മർദ്ദിച്ച നാലംഗ സംഘത്തിലെ ഒരാൾ അറസ്റ്റിൽ . ക്രിസ്മസ് ദിനത്തിൽ വൈകീട്ട് 7.30 ന് കടുപ്പശ്ശേരി ചെങ്ങാറ്റുമുറിയിൽ വച്ചായിരുന്നു സംഭവം. മുതിർന്നവരും കുട്ടികളുമടക്കം ഇരുപതോളം പേരാണ് മദ്യപിക്കുന്ന സംഘത്തിൽ ഉണ്ടായിരുന്നതെന്ന് പോലീസ് പറഞ്ഞു. ഇതിനെ ചോദ്യം ചെയ്ത കടുപ്പശ്ശേരി ചെങ്ങാറ്റുമുറി പൊറ്റയ്ക്കൽ വീട്ടിൽ ബാബു (55), ബന്ധു സിജേഷ് (50) എന്നിവർക്കാണ് മർദ്ദനമേറ്റത് . ഗുരുതരമായി പരിക്കേറ്റ ഓട്ടോ ഡ്രൈവറായ ബാബു അങ്കമാലിയിൽ സ്വകാര്യ ആശുപത്രിയിൽ ചികിത്സയിലാണ്. സംഭവവുമായി ബന്ധപ്പെട്ട് തൊമ്മാന മാളിയേക്കൽ വീട്ടിൽ ഗ്ലാഡ്സനെ (21 വയസ്സ്) ചൊവ്വാഴ്ച ഉച്ചയ്ക്ക് പുല്ലുരിൽ നിന്നും ആളൂർ സി ഐ സിബിൻ, എസ് ഐ സുബിന്ത് എന്നിവരുടെ നേത്യത്വത്തിലുള്ള പോലീസ് സംഘം അറസ്റ്റ് ചെയ്തു. മർദ്ദനവുമായി ബന്ധപ്പെട്ട് മൂന്ന് പേരെ കൂടി പിടികൂടാനുണ്ടെന്ന് പോലീസ് അറിയിച്ചു.
