ക്രിസ്തുമസ് മെഗാ കരോള്‍ മല്‍സര ഘോഷയാത്രയിൽ കനകമല സെന്റ് ആന്റണീസ് ഇടവകയ്ക്ക് ഒന്നാം സ്ഥാനം ..
ഇരിങ്ങാലക്കുട: നഗരവീഥികളെ കീഴടക്കിയ കത്തീഡ്രല്‍ സിഎല്‍സി യുടെ മെഗാ കരോള്‍ മല്‍സര ഘോഷയാത്രയില്‍ കനകമല സെന്റ് ആന്റണീസ് ഇടവകയ്ക്ക് ഒന്നാം സ്ഥാനം . പടിഞ്ഞാറേ ചാലക്കുടി നിത്യസഹായമാതാ ഇടവക രണ്ടാം സ്ഥാനവും തുറവന്‍കുന്ന് സെന്റ് ജോസഫ്‌സ് ഇടവക മൂന്നാം സ്ഥാനവും നേടി. വിജയികള്‍ക്ക് ബിഷപ്പ് മാര്‍ പോളി കണ്ണൂക്കാടന്‍ സമ്മാനങ്ങള്‍ നല്‍കി. കത്തീഡ്രല്‍ വികാരി ഫാ. പയസ് ചെറപ്പണത്ത് അധ്യക്ഷത വഹിച്ചു. ജോണ്‍ ആന്‍ഡ് കോ പ്രൊപ്രൈറ്റര്‍ സജി നെല്ലിശേരി മുഖ്യാതിഥിയായിരുന്നു. ബെസ്റ്റ് കോക്കനട്ട് ഇന്‍ഡസ്ട്രി അവാര്‍ഡ് നേടിയ കെഎല്‍എഫ് നിര്‍മല്‍ ഇന്‍ഡസ്ട്രീസ് ഡയറക്ടര്‍ പോള്‍ ഫ്രാന്‍സിസ് കണ്ടംകുളത്തിയെ യോഗത്തില്‍ ആദരിച്ചു. വാര്‍ഡ് കൗണ്‍സിലര്‍ ഫെനി എബിന്‍ വെള്ളാനിക്കാരന്‍, അസിസ്റ്റന്റ് വികാരി ഫാ. ഡെല്‍ബി തെക്കുംപുറം, കത്തീഡ്രല്‍ ട്രസ്റ്റി ബിജു പോള്‍ അക്കരക്കാരന്‍ എന്നിവര്‍ ആശംസകൾ നേർന്നു. സിഎല്‍സി ജോയിന്റ് ഡയറക്ടര്‍ ഫാ. അനൂപ് പാട്ടത്തില്‍ ആമുഖപ്രഭാഷണവും ജനറല്‍ കണ്‍വീനര്‍ പി.ജെ. ജോയ് നന്ദിയും പറഞ്ഞു.
