ക്രിസ്മസ് ന്യൂഇയർ സ്പെഷൽ ഡ്രൈവ് ; 29 ലിറ്റർ ചാരായവും 150 ലിറ്റർ വാഷും വാറ്റുപകരണങ്ങളുമായി ഇഞ്ചക്കുണ്ട് സ്വദേശി പിടിയിൽ …
ഇരിങ്ങാലക്കുട: ക്രിസ്തുമസ് ന്യൂഇയർ സ്പെഷ്യൽ ഡ്രൈവിന്റെ ഭാഗമായി ഐ.ബി പ്രിവന്റീവ് ഓഫീസർ അബ്ദഗലീൽ നല്കിയ രഹസ്യ വിവരത്തിന്റെ അടിസ്ഥാനത്തിൽ ഇഞ്ചക്കുണ്ട് ഭാഗത്ത് നടത്തിയ റെയ്ഡിൽ ഇഞ്ചക്കുണ്ട് കണ്ണമ്പുഴ വീട്ടിൽ ഷിൽജുവിന്റെ (39 വയസ്സ്) വീട്ടിൽ നിന്നും 29 ലിറ്റർ ചാരായവും 150 ലിറ്റർ വാഷും, വാറ്റ് ഉപകരണങ്ങളും കണ്ടെത്തി പ്രതിയെ ഇരിങ്ങാലക്കുട റെയ്ഞ്ച് ഇൻസ്പെക്ടർ അനീഷ് കെ.എ അറസ്റ്റ് ചെയ്തു. ബുധനാഴ്ച ഉച്ചയോടെയായിരുന്നു സംഭവം.
റെയ്ഡ് സംഘത്തിൽ പ്രിവന്റീവ് ഓഫീസർ സുനിൽ, ഐബി പ്രിവന്റീവ് ഓഫീസർ അബ്ദ് ഗലി, എക്സൈസ് ഉദ്യോഗസ്ഥരായ ജീവേഷ്, ഷെന്നി, രാജേന്ദ്രൻ, ശ്യാമലത, എക്സൈസ് ഡ്രൈവർ ഷാൻ എന്നിവർ ഉണ്ടായിരുന്നു. കോടതിയിൽ ഹാജരാക്കിയ പ്രതിയെ റിമാന്റ് ചെയ്തു.
