മെഗാ ഹൈ-ടെക് ക്രിസ്തുമസ് കരോൾ മൽസരഘോഷയാത്ര ഡിസംബർ 23 ന് ; പങ്കെടുക്കുന്നത് ഒൻപത് ടീമുകൾ …
ഇരിങ്ങാലക്കുട: സെന്റ് തോമസ് കത്തീഡ്രൽ പ്രൊഫഷണൽ സിഎൽസി യുടെ ആഭിമുഖ്യത്തിൽ സീനിയർ സിഎൽസിയുടെ സഹകരണത്തോടെ ഡിസംബർ 23 ന് നടത്തുന്ന ഹൈ-ടെക് ക്രിസ്തുമസ് കരോൾ മൽസരഘോഷയാത്രക്കുള്ള ഒരുക്കങ്ങൾ പൂർത്തിയായി. 23 ന് വൈകീട്ട് 5 മണിക്ക് ടൗൺ ഹാൾ പരിസരത്ത് വച്ച് നഗരസഭ ചെയർപേഴ്സൺ സോണിയ ഗിരി ഉദ്ഘാടനം ചെയ്യും. ഡിവൈഎസ്പി ബാബു കെ തോമസ് ഘോഷയാത്ര ഫ്ളാഗ് ഓഫ് ചെയ്യും. രൂപതയിലെ വിവിധ ഇടവകകളിൽ നിന്ന് ഒൻപത് ടീമുകളിലായി 1500 ൽ പരം ആളുകൾ പരിപാടിയിൽ പങ്കാളികളാകുമെന്ന് വികാരി ഫാ. പയസ് ചെറപ്പണത്ത് പത്രസമ്മേളനത്തിൽ അറിയിച്ചു. ടൗൺ ഹാളിൽ നിന്ന് ആരംഭിക്കുന്ന ഘോഷയാത്ര മെയിൻ റോഡ്, ഠാണാ വഴി വൈകീട്ട് കത്തീഡ്രൽ ദേവാലായങ്കണത്തിൽ സമാപിക്കും. രാത്രി എട്ടിന് നടക്കുന്ന പൊതുസമ്മേളനത്തിൽ ബിഷപ്പ് മാർ പോളി കണ്ണൂക്കാടൻ സമ്മാനദാനം നിർവഹിക്കും. സിഎൽസി ജോയിന്റ് ഡയറക്ടർ ഫാ. അനൂപ് പാട്ടത്തിൽ , അസി. വികാരി ഫാ. ഡെൽബി തെക്കുംപുറം, പബ്ലിസിറ്റി കമ്മിറ്റി ചെയർമാൻ തോമസ് കോട്ടോളി, കൺവീനർ വിനു ആന്റണി, സിഎൽസി വൈസ് – പ്രസിഡണ്ട് ജോസ് ജി തട്ടിൽ എന്നിവരും പത്രസമ്മേളനത്തിൽ പങ്കെടുത്തു.
