പത്മജ്യോതി പുരസ്കാരങ്ങൾ പെരുവനം കുട്ടൻമാരാർക്കും മട്ടന്നൂർ ശ്രീരാജിനും സമർപ്പിച്ചു .
ഇരിങ്ങാലക്കുട : നടിയും ഭരതനാട്യ നർത്തകിയുമായിരുന്ന പത്മിനി രാമചന്ദ്രന്റെ സ്മരണാർത്ഥം മകൻ പ്രേം രാമചന്ദ്രൻ എർപ്പെടുത്തിയ ” പത്മജ്യോതി പുരസ്കാര ” ങ്ങൾ സമർപ്പിച്ചു. ശ്രീ കൂടൽമാണിക്യം ക്ഷേത്ര കിഴക്കേ നടയിലെ പ്രത്യേക വേദിയിൽ നടന്ന് വരുന്ന 13 – മത് ദേശീയ പല്ലാവൂർ താളവാദ്യമഹോൽസവ ചടങ്ങിൽ വച്ച് പ്രഥമ പത്മജ്യോതി പുരസ്കാരം പത്മശ്രീ പെരുവനം കുട്ടൻമാരാർക്കും പ്രഥമ പത്മജ്യോതി യുവ പുരസ്ക്കാരം മട്ടന്നൂർ ശ്രീരാജിനും കഥകളി ആചാര്യൻ പത്മശ്രീ ഡോ. കലാമണ്ഡലം ഗോപി സമർപ്പിച്ചു. ചടങ്ങ് കാലടി ശ്രീ ശങ്കരാചാര്യ സംസ്കൃത സർവകലാശാല വൈസ് ചാൻസലർ ഡോ എം വി നാരായണൻ ഉദ്ഘാടനം ചെയ്തു. ഡോ രാജൻ ഗുരുക്കൾ അധ്യക്ഷനായിരുന്നു. വി കലാധരൻ പത്മിനി സ്മൃതി പ്രഭാഷണം നടത്തി. കൂടൽ മാണിക്യം ദേവസ്വം ബോർഡ് മെമ്പർ അഡ്വ കെ ജി അജയകുമാർ ആശംസകൾ നേർന്നു. പല്ലാവൂർ അപ്പുമാരാർ സ്മാരക വാദ്യ ആസ്വാദക സമിതി പ്രസിഡണ്ട് കലാമണ്ഡലം ശിവദാസ് സ്വാഗതവും ട്രഷറർ അജയ് മേനോൻ നന്ദിയും പറഞ്ഞു.
