റവന്യൂ സ്കൂൾ കലോത്സവം ; അറവനമുട്ടിൽ വിജയമാവർത്തിച്ച് പാടൂർ അലി ഇമുൾ സ്കൂളിലെ കുട്ടികൾ ; ഹൈസ്കൂൾ, ഹയർ സെക്കണ്ടറി വിഭാഗങ്ങളിലും ഒന്നാം സ്ഥാനത്ത് …
ഇരിങ്ങാലക്കുട : അറവനമുട്ട് ഹൈസ്കൂൾ വിഭാഗം മൽസരത്തിൽ വിജയമാവർത്തിച്ച് പാടൂർ അലിഇമുൾ ഇസ്ലാം എച്ച്എസ്എസ് സ്കൂൾ . ജില്ലയിലും സംസ്ഥാനത്തും അഞ്ച് വർഷം തുടർച്ചയായി നേടിയ ജയങ്ങൾ ഒരു ഇടവേളക്ക് ശേഷം നടന്ന റവന്യൂ ജില്ലാ സ്കൂൾ കലോത്സവത്തിലും പാടൂരിലെ കുട്ടികൾ ആവർത്തിച്ചു. അറവനമുട്ട് ഹയർ സെക്കണ്ടറി വിഭാഗത്തിലും ഇത്തവണ എ ഗ്രേഡോടെ ഒന്നാം സ്ഥാനത്ത് പാടൂർ സ്കൂൾ എത്തിയിട്ടുണ്ട്. ഏതാനും വർഷങ്ങളായി മുല്ലശ്ശേരി ഉപജില്ല കലോൽസവ ജേതാക്കളും പാടൂർ അലി ഇമുൾ സ്കൂൾ തന്നെയാണ്. ജൂണിൽ ആരംഭിച്ച് ഫെബ്രുവരി വരെ നീണ്ട് നിൽക്കുന്ന തീവ്രമായ പരിശീലനത്തിന്റെ ഫലമാണ് വിജയമെന്ന് സ്റ്റാഫ് സെക്രട്ടറി പി എം മൊഹ്സിൻ ഫസ്റ്റ് എഡീഷ്യൻ ന്യൂസിനോട് പറഞ്ഞു. കഴിഞ്ഞ അഞ്ച് വർഷമായി അനസ് രായം മരക്കാറാണ് മുഖ്യ പരിശീലകനായി പ്രവർത്തിക്കുന്നത്. അറബിക് നാടകം ഹൈസ്കൂൾ വിഭാഗത്തിലും പാടൂർ സ്കൂൾ ഒന്നാം സ്ഥാനത്ത് എത്തിയിട്ടുണ്ട്.
