പടിയൂർ സ്വദേശിനിയായ മാധ്യമ പ്രവർത്തക ഹൈദരാബാദിൽ വാഹനപകടത്തിൽ മരിച്ചു.
ഇരിങ്ങാലക്കുട :പടിയൂർ സ്വദേശിനിയായ മാധ്യമ പ്രവർത്തക ഹൈദരാബാദിൽ വാഹനപകടത്തിൽ മരിച്ചു. പടിയൂർ സ്വദേശി വിരുത്തി പറമ്പിൽ സൂരജിന്റെ മകൾ നിവേദിത (26) ആണ് മരിച്ചത്.ഹൈദരാബാദിൽ സ്വകാര്യ ടി വി ചാനലിനു വേണ്ടി പ്രവർത്തിച്ച് വരികയായിരുന്നു. രാവിലെ ജോലിക്കു പോകുമ്പോൾ റോഡ് മുറിച്ചു കടക്കുന്നതിനിടയിൽ കാർ ഇടിച്ചായിരുന്നു അപകടം. തുടർന്ന് ആശുപത്രിയിൽ എത്തിക്കാൻ ശ്രമിക്കുന്നതിനിടയിൽ മരണം സംഭവിച്ചു. സംസ്കാരം നാളെ രാവിലെ ഒൻപതിന് വീട്ടുവളപ്പിൽ നടക്കും. മുൻപ് റിപ്പോർട്ടർ ടി വി യിലും തൃശൂരിലും മാധ്യമ പ്രവർത്തക ആയിരുന്നു. ബിന്ദു അമ്മയും ശിവപ്രസാദ്‌ സഹോദരനുമാണ്.
Please follow and like us:
