മാരക ലഹരി മരുന്നായ ഹാഷിഷ് ഓയിൽ ഉപയോഗിക്കുന്ന യുവാക്കൾ ഇരിങ്ങാലക്കുട , ആളൂർ പോലീസിന്റെ പിടിയിൽ ..
ഇരിങ്ങാലക്കുട : ഹാഷിഷ് ഓയിൽ ഉപയോഗിച്ചു കൊണ്ടിരിക്കെ മൂന്ന് യുവാക്കൾ പോലീസ് പിടിയിലായി. ഇരിങ്ങാലക്കുട തുറവൻകാട് സ്വദേശി പുത്തുക്കാട്ടിൽ അനന്തു (18 വയസ്സ്), തളിയക്കാട്ടുപറമ്പിൽ ആദിത്യൻ (20 വയസ്സ്) ,കോട്ടയം കടുത്തുരുത്തി സ്വദേശി ആൽബി (19 വയസ്സ്) എന്നിവരെയാണ് ഇരിങ്ങാലക്കുട ഡി.വൈ.എസ് പി.ബാബു കെ.തോമസിന്റെ നേതൃത്വത്തിൽ ഇൻസ്പെക്ടർ എം.ബി.സിബിൻ, അനീഷ് കരീം എന്നിവരുടെ സംഘങ്ങൾ പിടികൂടിയത്. ആളൂരിൽ വാഹനപരിശോധനയ്ക്കിടെ സംശയം തോന്നയവരുടെ വിവരങ്ങൾ ശേഖരിച്ചു നടത്തിയ പരിശോധനയിലാണ് ഇവർ പിടിയിലായത്. പ്രത്യേക ഉപകരണങ്ങൾ ഉപയോഗിച്ചാണ് ഇവർ ഹാഷിഷ് ഓയിൽ കത്തിച്ച് പുക വലിക്കുന്നത്. ഇവരിൽ അനന്തുവും ആദിത്യനും മുൻപും പോലീസ് പിടിയിലായിട്ടുണ്ട്. ഒരു വർഷത്തിൽ കൂടുലായി ഇവർ ലഹരി മരുന്ന് ഉപയോഗിച്ചു തുടങ്ങിയിട്ട്. മുൻപ് പല വട്ടം ഇവരെ പോലീസ് താക്കീത് ചെയ്തിട്ടുള്ളതാണ്.എസ്.ഐമാരായ കെ.എസ്.സുബിന്ത് , ഷാജൻ എം.എസ്,. ദാസൻ മുണ്ടയ്ക്കൽ, സീനിയർ സി.പി.ഒ മാരായ എ.ബി. സതീഷ് ,സി.കെ. ബിജുകുമാർ , ബിലഹരി, കെ.എസ് ഉമേഷ്, ധനലക്ഷ്മി,ഇ.എസ്. ജീവൻ , സോണി സേവ്യർ എന്നിവർ രണ്ടു സംഘങ്ങളായി നടത്തിയ പരിശോധനയിലാണ് പ്രതികളെ പിടികൂടിയത് .
