സിനിമ, സീരിയൽ ,ആൽബം നടൻ ഉൾപ്പെടെ രണ്ട് യുവാക്കൾ മാരക മയക്കുമരുന്നുമായ എംഡിഎംഎ യുമായി പോലീസിന്റെ പിടിയിൽ ..
ചാലക്കുടി:അതിമാരക മയക്കുമരുന്നായ എംഡിഎംഎ യുമായി യുവാക്കളെ കൊരട്ടി പോലീസ് സ്റ്റേഷൻ പരിധിയിലെ വെട്ടുകടവ് പാലത്തിന് സമീപത്ത് നിന്നും തൃശൂർ റൂറൽ ജില്ലാ ക്രൈംബ്രാഞ്ച് ഡിവൈഎസ്പി ഷാജ് ജോസിന്റെ നേതൃത്വത്തിലുള്ള തൃശൂർ റൂറൽ ഡാൻസാഫ് സംഘവും കൊരട്ടി പോലീസും ചേർന്ന് പിടികൂടി. തൃശൂർ റൂറൽ ജില്ലാ പോലീസ് മേധാവി ഐശ്വര്യ ഡോൺഗ്രെ ഐപിഎസി ന് ലഭിച്ച രഹസ്യവിവരത്തെ തുടർന്ന് പ്രത്യേക പോലീസ് സംഘം കൊരട്ടി പോലീസ് സ്റ്റേഷൻ പരിധിയിലെ മേലൂർ വെട്ടുകടവ് പാലത്തിന് സമീപം വെച്ചു നടത്തിയ വാഹനപരിശോധനക്കിടെയാണ്
കോടാലി മോനൊടി ചെഞ്ചേരി വളപ്പിൽ മാങ്ങാണ്ടി എന്ന് വിളിക്കുന്ന അരുൺ ( 27 ),മൂന്നുമുറി ഒമ്പതുങ്ങൽ അമ്പലപ്പാടൻ വീട്ടിൽ നിഖിൽ ( 25 )
എന്നിവരെ
കൊരട്ടി സി ഐ അരുൺ.ബി.കെ ഉദ്യോഗസ്ഥരായ സൂരജ്, സജി വർഗീസ്,സ്റ്റീഫൻ. വി.ജി, P. ജയകൃഷണൻ, ജോബ്. സി എ ,സീനിയർ സിവിൽ പോലീസ് ഓഫീസർമാരായ സൂരജ്.വി.ദേവ് , ലിജു ഇയ്യാനി, മിഥുൻ.ആർ കൃഷ്ണ, ഷറഫുദ്ദീൻ, രഞ്ജിത്ത്, സജിമോൻ എന്നിവർ ചേർന്ന് അറസ്റ്റ്‌ ചെയ്തത്.
പിടിയിലായ അരുൺ ഏതാനും ചില മലയാള സിനിമകളിലും ഷോർട്ട് ഫിലിമിലുമൊക്കെ അഭിനയിച്ചിട്ടുള്ളയാളാണ്.പിടിയിലായ യുവാക്കൾ കടത്തിക്കൊണ്ടുവന്ന മയക്കുമരുന്നിന്റെ ഉറവിടം കണ്ടെത്താൻ പോലീസ് ശക്തമായ അന്വേഷണം ആരംഭിച്ചിട്ടുണ്ട്.
പ്രതികളുമായി മയക്കുമരുന്ന് ഇടപാട് നടത്തുന്നവരെ കുറിച്ചും പോലീസ് ഊർജിതമായ അന്വേഷണം തുടങ്ങിയിട്ടുണ്ട്.
