മുൻ പഞ്ചായത്ത് സെക്രട്ടറിയും മാധ്യമ പ്രവർത്തകനുമായ ഹരി ഇരിങ്ങാലക്കുട അന്തരിച്ചു….
ഇരിങ്ങാലക്കുട : മുൻ പഞ്ചായത്ത് സെക്രട്ടറിയും മാധ്യമ പ്രവർത്തകനുമായ എട്ടുമുറി റോഡിൽ ചെങ്ങാനത്തു ശങ്കുണ്ണി മകൻ ഹരി (59) അന്തരിച്ചു. ഹൃദയാഘാതത്തെ തുടർന്ന് ഇന്ന് രാത്രി 9 നാണ് മരണം സംഭവിച്ചത്. മൂന്ന് തവണ സംസ്ഥാനത്തെ മികച്ച പഞ്ചായത്ത് സെക്രട്ടറിയായി തിരഞ്ഞെടുക്കപ്പെട്ടിട്ടുണ്ട്. മെട്രോ വാർത്ത പത്രത്തിന്റെ ലേഖകനായി പ്രവർത്തിച്ച് വരികയായിരുന്നു. പ്രസ്സ് ക്ലബ് അംഗം , പത്രപ്രവർത്തക അസോസിയേഷൻ ഇരിങ്ങാലക്കുട യൂണിറ്റ് വൈസ് – പ്രസിഡണ്ട് , സംസ്കാര സാഹിതി ജില്ലാ സെക്രട്ടറി അയ്യങ്കാവ് ഉൽസവാഘോഷ കമ്മിറ്റി പ്രസിഡണ്ട് , കിലാ ട്രെയിനർ എന്നീ നിലകളിലും പ്രവർത്തിച്ച് വരികയായിരുന്നു. റിട്ട ആരോഗ്യ വിഭാഗം ഉദ്യോഗസ്ഥ നിർമ്മലയാണ് ഭാര്യ. അഞ്ജന , അർജ്ജുൻ എന്നിവർ മക്കളാണ്.
Please follow and like us:
