പെണ്‍കലാലയത്തിലും തിരഞ്ഞെടുപ്പ് ആവേശം; പുതിയ യൂണിയൻ ഭാരവാഹികളായി …
ഇരിങ്ങാലക്കുട :കാലിക്കറ്റ് യൂണിവേഴ്സിറ്റിയുടെ കോളേജ് യൂണിയന്‍ തിരഞ്ഞെടുപ്പുകളുടെ ഭാഗമായി സെന്റ് ജോസഫ്സ് കോളേജില്‍ നടന്ന തിരഞ്ഞെടുപ്പില്‍ പുതിയ ഭാരവാഹികളെ തിരഞ്ഞെടുത്തു .2022 – 2023 കോളേജ് യൂണിയന്‍ ഭാരവാഹികളായി ചെയര്‍പേഴ്‌സനായി മൂന്നാം വര്‍ഷ ഇംഗ്ലീഷ് വിദ്യാര്‍ത്ഥിനിയായ രഞ്ജന പി.എച്ച്‌ നെ തെരഞ്ഞെടുത്തു.വൈസ്.ചെയര്‍പേഴ്‌സനായി മൂന്നാം വര്‍ഷ ഇക്കണോമിക്‌സില്‍ പഠിക്കുന്ന ടിയ.ജെ. ഊക്കന്‍, ജനറല്‍ സെക്രട്ടറിയായി മൂന്നാം വര്‍ഷ ബി.എ.ഇംഗ്ലീഷില്‍ പഠിക്കുന്ന എഡ്വീന ജോസ്, ജോ.സെക്രട്ടറിയായി മൂന്നാം വര്‍ഷ കെമിസ്ട്രി വിദ്യാര്‍ത്ഥിനിയായ ഷംയാ എസ്, യു.യുസിമാരായി മൂന്നാം വര്‍ഷ ബി.എസ്.സി.സൈക്കോളജിയില്‍ പഠിക്കുന്ന റിസാന എന്‍.കെ., മൂന്നാം വര്‍ഷ ബി.എസ്.ഡബ്ലയൂ വിദ്യാര്‍ത്ഥിനിയായ നികിത കാസ്‌ട്രോയും, ഫൈന്‍ ആര്‍ട്‌സ് സെക്രട്ടറിയായി രണ്ടാം വര്‍ഷ ബി.എസ്.സി.മാത്തമാറ്റിക്‌സില്‍ പഠിക്കുന്ന അശ്വതിയേയും, ജനറല്‍ ക്യാപ്റ്റനായി മൂന്നാം ബി.എ. ഇക്കണോമിക്‌സില്‍ പഠിക്കുന്ന സ്‌പോര്‍ട്‌സ് താരമായ ശില്‍പ ഷാജിയേയും, ഫസ്റ്റ് ഡി.സി. പ്രതിനിധിയായി ആയി ഒന്നാംവര്‍ഷ ബയോടെക്‌നോളജി വിദ്യാര്‍ത്ഥിനി അസ്‌നനേയും, സെക്കന്റ് ഡി.സി. പ്രതിനിധിയായി രണ്ടാം വര്‍ഷ ബിബിഎ വിദ്യാർഥിനി നീമ നസീറിനേയും, തേഡ് ഡി.സി പ്രതിനിധിയായി മൂന്നാം വര്‍ഷ ബയോടെക്‌നോളജി വിദ്യാര്‍ത്ഥിനി അലന സിബിയേയും, പി.ജി. പ്രതിനിധിയായി രണ്ടാം വര്‍ഷ ഇംഗ്ലീഷ് വിദ്യാര്‍ത്ഥിനിയായ ഗംഗ അനില്‍കുമാറിനേയും തെരഞ്ഞെടുത്തു. പുതിയതായി തെരഞ്ഞെടുക്കപ്പെട്ട യൂണിയന്‍ ഭാരവാഹികള്‍ പ്രിന്‍സിപ്പല്‍ ഡോ.സി.എലൈസയുടെ സാന്നിധ്യത്തില്‍ ചുമതല ഏറ്റെടുത്തു.
