ഇരിങ്ങാലക്കുട വിദ്യാഭ്യാസ ഉപജില്ല കായികോൽസവം ; എൽപി വിഭാഗം മൽസരങ്ങൾ പൂർത്തിയായി; ഡോൺ ബോസ്കോ , എടതിരിഞ്ഞി സെന്റ് മേരീസ്, കടുപ്പശ്ശേരി ജിയുപിഎസ്, കരാഞ്ചിറ സെന്റ് ജോർജ്ജ് സ്കൂളുകൾ മുന്നിൽ ….
ഇരിങ്ങാലക്കുട : ക്രൈസ്റ്റ് കോളേജ് സ്റ്റേഡിയത്തിൽ നടക്കുന്ന ഉപജില്ല കായികോൽസവത്തിൽ എൽപി വിഭാഗം മൽസരങ്ങൾ പൂർത്തിയായി. എൽപി മിനി ബോയ്സ് വിഭാഗത്തിൽ ഡോൺബോസ്കോ സ്കൂൾ 17 പോയിന്റോടെ ഒന്നാം സ്ഥാനത്ത് എത്തി. 11 പോയിന്റ് നേടി പുതുക്കാട് സെന്റ് സേവ്യേഴ്സ് സ്കൂളാണ് രണ്ടാം സ്ഥാനത്ത്. എൽപി മിനി ഗേൾസ് വിഭാഗത്തിൽ എടതിരിഞ്ഞി സെന്റ് മേരീസ്, കടുപ്പശ്ശേരി ജിയുപിഎസ് എന്നീ സ്കൂളുകൾ 10 പോയിന്റ് വീതം നേടി ഒന്നാം സ്ഥാനവും 6 പോയിന്റ് നേടി ആനന്ദപുരം ശ്രീകൃഷ്ണ സ്കൂൾ രണ്ടാം സ്ഥാനവും നേടി. എൽപി കിഡ്ഡീസ് വിഭാഗത്തിൽ കരാഞ്ചിറ സെന്റ് ജോർജ്ജ് സ്കൂൾ 24 ഉം ഡോൺബോസ്കോ 12 പോയിന്റും നേടി ആദ്യ സ്ഥാനങ്ങളിൽ എത്തി. എൽപി കിഡ്ഡീസ് ഗേൾസ് വിഭാഗത്തിൽ ഡോൺ ബോസ്കോ 23 ഉം കരുവന്നൂർ സെന്റ് ജോസഫ്സ് 12 ഉം പോയിന്റ് നേടി. രണ്ട് ദിവസങ്ങളിലായി നടന്ന മൽസരങ്ങളിൽ 20 വിഭാഗങ്ങളിലായി 1100 വിദ്യാർഥികളാണ് നാല് ദിവസങ്ങളിലായി നടക്കുന്ന കായിക മേളയിൽ പങ്കെടുത്തത്.
