കേരളപ്പിറവി ദിനത്തിൽ ലഹരി വിരുദ്ധ സന്ദേശവുമായി ഇരിങ്ങാലക്കുടയിൽ കുട്ടിച്ചങ്ങല …
ഇരിങ്ങാലക്കുട : കേരളപ്പിറവി ദിനത്തിൽ ലഹരി വിരുദ്ധ സന്ദേശവുമായി പട്ടണത്തിൽ കുട്ടിച്ചങ്ങല . ബസ് സ്റ്റാന്റ് മുതൽ ഠാണാ വരെ നീണ്ട കുട്ടിച്ചങ്ങലയിൽ നാല് സ്കൂളുകളിൽ നിന്നുള്ള ഹയർ സെക്കണ്ടറി , ഹൈസ്കൂൾ, വിഎച്ച്എസ്ഇ , എൻസിസി , സ്കൗട്ട്സ് ആന്റ് ഗൈഡ്സ് എന്നിവർ ലഹരി വിരുദ്ധ മുദ്രാവാക്യങ്ങളും പ്ലാക്കാർഡുകളുമായി അണിനിരന്നു. ലഹരി വിരുദ്ധ സന്ദേശവുമായി സ്കിറ്റും ഫ്ളാഷ് മോബും അരങ്ങേറി. പരിപാടിയുടെ വിദ്യാഭ്യാസ ജില്ലാ തല ഉദ്ഘാടനം നഗരസഭ ചെയർപേഴ്സൺ സോണിയ ഗിരി നിർവഹിച്ചു. നഗരസഭ വിദ്യാഭ്യാസ സ്റ്റാന്റിംഗ് കമ്മിറ്റി ചെയർമാൻ അഡ്വ ജിഷ ജോബി അധ്യക്ഷയായിരുന്നു. ബ്ലോക്ക് പ്രസിഡന്റ് ലളിത ബാലൻ മുഖ്യ പ്രഭാഷണം നടത്തി. സി ഐ അനീഷ് കരീം സന്ദേശം നല്കി. ഡിഇഒ ഇൻ ചാർജ്ജ് ജസ്റ്റിൻ തോമസ് സ്വാഗതവും ഗേൾസ് സ്കൂൾ പ്രധാന അധ്യാപിക ബീന ബേബി നന്ദിയും പറഞ്ഞു.
