കയ്പമംഗലത്ത് എംഡിഎംഎ യുമായി യുവാക്കൾ എക്സൈസ് സംഘത്തിന്റെ പിടിയിൽ …
കയ്പമംഗലം : കയ്പമംഗലത്ത് മാരക മയക്കുമരുന്നായ എംഡിഎംഎ യുമായി രണ്ട് യുവാക്കളെ ത്യശ്ശൂർ എക്സൈസ് സ്പെഷ്യൽ സ്ക്വാഡ് പിടികൂടി. ചെന്ത്രാപ്പിന്നി എറെക്കാട്ടുപുരക്കൽ ജിനേഷ് (31) , കയ്പമംഗലം തോട്ടുങ്ങൽ വിഷ്ണു ( 25 ) എന്നിവരെയാണ് എക്സൈസ് സ്പെഷ്യൽ സ്ക്വാഡ് സിഐ ജുനൈദിന്റെ നേത്യത്വത്തിലുള്ള സംഘം പിടികൂടിയത്. ഇവരിൽ നിന്നും 15.2 ഗ്രാം എംഡിഎംഎ പിടിച്ചെടുത്തു. തീരദേശത്തെ മൽസ്യബന്ധനതൊഴിലാളികൾക്കും വിദ്യാർഥികൾക്കുമാണ് പ്രതികൾ മയക്കു മരുന്ന് വിതരണം ചെയ്തിരുന്നത്. പ്രതികൾ ഉപയോഗിച്ചിരുന്ന വണ്ടി യും പിടിച്ചെടുത്തിട്ടുണ്ട്. പ്രതികളുടെ സാമ്പത്തിക സോത്രസ്സിനെക്കുറിച്ചും മയക്കുമരുന്ന് എത്തിച്ച് നല്കുന്നവരെക്കുറിച്ചും അന്വേഷണം ആരംഭിച്ചിട്ടുണ്ട്. ഉദ്യോഗസ്ഥരായ മനോജ്കുമാർ , ജയൻ , സുനിൽദാസ് , ഹാരീഷ്, ഷനോജ്, സൂരജ് , ഡ്രൈവർ മനോജ് എന്നിവരും അന്വേഷണ സംഘത്തിൽ ഉണ്ടായിരുന്നു.
