ഉപജില്ല സ്കൂൾ കലോത്സവം നവംബർ 8 മുതൽ 11 വരെ എടതിരിഞ്ഞി എച്ച്ഡിപി സമാജം സ്കൂളിൽ ; സംഘാടക സമിതി രൂപീകരിച്ചു..
ഇരിങ്ങാലക്കുട:ഉപജില്ല കേരള സ്കൂൾ കലോത്സവം നവംബർ 8 , 9, 10 , 11 തീയതികളിൽ എടതിരിഞ്ഞി എച്ച്ഡിപി സ്കൂളിൽ നടക്കും. ഒമ്പത് വേദികളിലായിട്ടാണ് കലോൽസവ പരിപാടികൾ നടത്തുന്നത്. പരിപാടികളുടെ നടത്തിപ്പിനായി സംഘാടക സമിതി രൂപീകരിച്ചു.സംഘാടക സമിതി രൂപീകരണയോഗം എച്ച് .ഡി.പി. സമാജം ഹയർ സെക്കണ്ടറി സ്ക്കൂളിൽ പടിയൂർ ഗ്രാമ പഞ്ചായത്ത് പ്രസിഡണ്ട് ലത സഹദേവൻ ഉദ്ഘാടനം ചെയ്തു. ഉപജില്ല വിദ്യാഭ്യാസ ഓഫീസർ ഡോ. നിഷ.എം.സി. അധ്യക്ഷത വഹിച്ചു. പഞ്ചായത്ത് വൈസ് പ്രസിഡണ്ട് കെ.വി.സുകുമാരൻ , ബ്ലോക്ക് പഞ്ചായത്ത് മെമ്പർമാരായ സുധ ദിലീപ്, രാജേഷ് അശോകൻ , പഞ്ചായത്ത് മെമ്പർമാരായ ജയശ്രീലാൽ, ഷാലി ദിലീപ്, സ്കൂൾ മാനേജർ ഭരതൻ കണ്ടേങ്കാട്ടിൽ, വികസന സമിതി കൺവീനർ പി.ജി. ഉല്ലാസ്, സി.എസ്.സുധൻ, ആർച്ച ഗിരീഷ്, കെ.ബി. ദിനചന്ദ്രൻ എന്നിവർ പ്രസംഗിച്ചു. പ്രിൻസിപ്പൽ കെ.എ. സീമ സ്വാഗതവും, പ്രധാനധ്യാപിക സി.പി. സ്മിത നന്ദിയും പറഞ്ഞു. പടിയൂർ പഞ്ചായത്ത് പ്രസിഡണ്ട് ലത സഹദേവൻ (ചെയർപേഴ്സൺ), പ്രിൻസിപ്പൽ കെ. എ.സീമ (ജനറൽ കൺവീനർ), എ.ഇ.ഒ. ഡോ. നിഷ .എം.സി. (ട്രഷറർ) എന്നിവർ സംഘാടകസമിതിക്ക് നേത്യത്വം നല്കും .
