ഇരിങ്ങാലക്കുട പ്രൈവറ്റ് ബസ് സ്റ്റാൻ്റിഡിന് അടുത്തുള്ള വർക്ക്ഷോപ്പിൻ്റെ പരിസരത്ത് നിന്നും ഇരുചക്രവാഹനം കവർന്ന പ്രതി അറസ്റ്റിൽ…
ഇരിങ്ങാലക്കുട: വർക്ക്ഷോപ്പ് പരിസരത്ത് പാർക്ക് ചെയ്തിരുന്ന ഇരുചക്രവാഹനം കവർന്ന പ്രതി പോലീസ് പിടിയിൽ.മരക്കാക്കര എടക്കുന്നി ചൂണ്ടയിൽ വീട്ടിൽ സോഡ ബാബു എന്ന ബാബുരാജ് (42 വയസ്സ്) നെയാണ് ഇരിങ്ങാലക്കുട പോലീസ് അറസ്റ്റ് ചെയ്തത്. നാല്പതോളം കേസുകളിലെ പ്രതിയായ ഇയാൾ വാഹന പരിശോധനക്കിടയിൽ കരുവന്നൂരിൽ വച്ചാണ് പിടിയിലായത്. ഇരിങ്ങാലക്കുട പ്രൈവറ്റ് ബസ് സ്റ്റാൻ്റിന് അടുത്തുള്ള കേരള മെറ്റൽസ് എന്ന ടൂ വീലർ വർക്ക്ഷോപ്പിൻ്റെ പരിസരത്ത് നിന്നാണ് ജയ്സൻ എന്നയാളുടെ ഉടമസ്ഥതയിലുള്ള 50000 രൂപ വിലയുള്ള ഹോണ്ട യൂണികോൺ മോട്ടോർ സൈക്കിൾ പ്രതി കവർന്നത്. സെപ്റ്റംബർ 26 ന് രാവിലെയായിരുന്നു കേസിന് ആസ്പദമായ സംഭവം. കോടതിയിൽ ഹാജരാക്കിയ പ്രതിയെ റിമാൻ്റ് ചെയ്തു.സിഐ അനീഷ് കരീമിൻ്റെ നേത്യത്വത്തിൽ നടന്ന അന്വേഷണ സംഘത്തിൽ എസ് ഐ എം എസ് ഷാജൻ, ഉദ്യോഗസ്ഥരായ ക്ലീറ്റസ്, സേവ്യർ, സാജു എന്നിവരും ഉണ്ടായിരുന്നു.
