ഡോൺബോസ്കോ ബാസ്ക്കറ്റ് ബോൾ ടൂർണ്ണമെൻ്റ്; വാഴക്കുളം കാർമ്മലും കൊരട്ടി എച്ച്എസ്എസും ജേതാക്കൾ…
ഇരിങ്ങാലക്കുട: ഡോൺബോസ്കോ സിൽവർ ജൂബിലി മെമ്മോറിയൽ ഇൻഡോർ സ്റ്റേഡിയത്തിൽ നടന്ന 37-ാം മത് ഡോൺബോസ്കോ ബാസ്ക്കറ്റ്ബോൾ ടൂർണ്ണമെൻ്റിൽ
ആൺകുട്ടികളുടെ വിഭാഗത്തിൽ ഇടുക്കി വാഴക്കുളം കാർമ്മൽ പബ്ലിക് സ്കൂൾ ജേതാക്കളായി. ഫൈനലിൽ 68-42 എന്ന സ്കോറിന് കൊരട്ടി എൽഎഫ് എച്ച്എസ്എസിനെ കാർമ്മൽ സ്കൂൾ പരാജയപ്പെടുത്തി. പെൺകുട്ടികളുടെ വിഭാഗത്തിൽ കൊരട്ടിഎൽഎഫ്എച്ച്എസ് എസ്.എച്ച് തേവരയെ എസ് എച്ച് നെ 53 – 44 എന്ന സ്കോറിന് പരാജയപ്പെടുത്തി .സമാപന സമ്മേളനത്തിൽ ഡിവൈഎസ്പി ബാബു കെ.തോമസ് സമ്മാനദാനം നിർവഹിച്ചു.ബാംഗ്ലൂർ സലേഷ്യൻ പ്രോവിൻഷാൾ റവ.ഫാ.ജോസ് കോയിക്കൽ അദ്ധ്യക്ഷത വഹിച്ച ചടങ്ങിൽ ഡോൺ ബോസ്കോ സ്കൂൾ എൻ.സി. സി കോ-ഓഡിനേറ്റർ ഡേവിസ്.പി.ജെ,ഡോ.രാജുഡേവിസ് പെരേപ്പാടൻ, റവ.ഫാ.ഇമ്മാനുവൽ വട്ടക്കുന്നേൽ, ഹയർ സെക്കന്ററി സ്കൂൾ പ്രിൻസിപ്പാൾ ഫാ. സന്തോഷ്‌ മാത്യു, ഐ എസ് സി പ്രിൻസിപ്പാൾ ഫാ. മനു പീടികയിൽ, സ്കൂൾ അഡ്മിനിസ്ട്രേറ്റർ ഫാ. ജോയ്സൺ മുളവരിക്കൽ, ഡോൺ ബോസ്കോ ഹയർസെക്കന്ററി സ്കൂൾ പി.ടി.എ.പ്രസിഡന്റ് സെബി മാളിയേക്കൽ ,ഓർഗനൈസിംഗ് സെക്രട്ടറി ശരത് പ്രസാദ് , ബാസ്ക്കറ്റ് ബോൾ പരീശിലകൻ സന്ദേശ് ഹരി എന്നിവർ സംസാരിച്ചു.
