അവിട്ടത്തൂർ എൽബിഎസ്എം ഹയർ സെക്കണ്ടറി സ്കൂളിലെ പ്ലാറ്റിനം ജൂബിലി ബ്ലോക്ക് പ്രവർത്തനസജ്ജമായി;ബ്ലോക്കിൻ്റെ നിർമ്മാണം പൂർത്തീകരിച്ചത് 50 ലക്ഷം രൂപ ചിലവിൽ; വിദ്യാർഥികളുടെ ആത്മവിശ്വാസം ഉയർത്താൻ അധ്യാപകർക്ക് കഴിയേണ്ടതുണ്ടെന്ന് മന്ത്രി ഡോ. ആർ ബിന്ദു…
ഇരിങ്ങാലക്കുട: കുട്ടികളുടെ ആത്മവിശ്വാസം കെടുത്താതെ അവരെ ഭാവി തലമുറയുടെ വാഗ്ദാനങ്ങളായി ഉയർത്തിക്കൊണ്ട് വരാൻ അധ്യാപകർക്ക് കഴിയണമെന്ന് ഉന്നത വിദ്യാഭ്യാസ വകുപ്പ് മന്ത്രി ഡോ. ആർ ബിന്ദു. മന്ത്രി ആർ.അവിട്ടത്തൂർ ലാൽ ബഹാദൂർ ശാസ്ത്രി മെമ്മോറിയൽ ഹയർ സെക്കണ്ടറി സ്കൂളിലെ പ്ലാറ്റിനം ജൂബിലി ബ്ലോക്ക് ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി. സ്കൂളിൽ നിന്നും പഠിച്ച് പോകുന്ന വിദ്യാർത്ഥികൾ ഭാവിയിൽ സമൂഹത്തിൽ വേദനിക്കുന്നവരുടെ ഒപ്പം നിൽക്കുന്നവരാകണമെന്നും മന്ത്രി പറഞ്ഞു. വേളൂക്കര ഗ്രാമ പഞ്ചായത്ത് പ്രസിഡണ്ട് കെ.എസ്. ധനീഷ് അധ്യക്ഷത വഹിച്ചു. വെള്ളാങ്ങല്ലൂർ ബ്ലോക്ക് പഞ്ചായത്ത് പ്രസിഡണ്ട് വിജയലക്ഷ്മി വിനയചന്ദ്രൻ , ജില്ല വിദ്യാഭ്യാസ ഉപഡയറക്ടർ ടി.വി. മദനമോഹനൻ, ഡി.ഇ. ഒ. ഇൻ ചാർജ് ജസ്റ്റിൻ തോമസ്, സ്കൂൾ മാനേജർ എ.സി. സുരേഷ്, പ്രിൻസിപ്പൽ ഡോ.എ.വി.രാജേഷ്, ഹെഡ് മാസ്റ്റർ മെജോ പോൾ, പഞ്ചായത്ത് മെമ്പർമാരായ ജെൻസി ബിജു, ലീന ഉണ്ണികൃഷ്ണൻ, ബിബി തുടിയത്ത്, ശ്യാം രാജ്, പി.ടി എ.പ്രസിഡണ്ട് വി. ബിന്ദു, കെ.കെ.കൃഷ്ണൻ നമ്പൂതിരി, എ.സജു ചന്ദ്രൻ എന്നിവർ പ്രസംഗിച്ചു.സ്കൂൾ മാനേജ്മെൻ്റ്, പിടിഎ എന്നിവരുടെ നേത്യത്വത്തിൽ 50 ലക്ഷം രൂപ ചിലവിൽ ഹൈസ്കൂളിനായി ഒൻപത് ക്ലാസ്സ് മുറികൾ ഉള്ള ബ്ലോക്കാണ് നിർമ്മിച്ചിരിക്കുന്നത്.
