“അമ്മയ്ക്കൊരു ഓണപ്പുടവ” പദ്ധതിയുമായി ബിജെപി പ്രവർത്തകർ; മൂർക്കനാട് മേഖലയിൽ ഇരുനൂറോളം ഓണപ്പുടവകൾ വിതരണം ചെയ്തു..
ഇരിങ്ങാലക്കുട: ഓണാഘോഷങ്ങളുടെ ഭാഗമായി മൂർക്കനാട് മേഖലയിൽ 41, 1 വാർഡുകളിലെ ബിജെപി പ്രവർത്തകരുടെ നേതൃത്വത്തിൽ ഇരുനൂറോളം അമ്മമാർക്ക് ഓണപ്പുടവകൾ വിതരണം ചെയ്തു. പാരിഷ് ഹാളിൽ നടന്ന പരിപാടി നടൻ സുരേഷ്ഗോപി ഉദ്ഘാടനം ചെയ്തു. വിവിധ മേഖലകളിൽ കഴിവ് തെളിയച്ചവരെ പരിപാടിയിൽ ആദരിച്ചു. വാർഡ് കൗൺസിലർ മായ അജയൻ അദ്ധ്യക്ഷത വഹിച്ചു. ബിജെപി ജില്ല പ്രസിഡണ്ട് അഡ്വ കെ കെ അനീഷ്കുമാർ,ജില്ല ജന സെക്രട്ടറിമാരായ അഡ്വ കെ ആർ ഹരി,ജസ്റ്റിൻ ജേക്കബ്,മണ്ഡലം പ്രസിഡണ്ട് കൃപേഷ് ചെമ്മണ്ട,മണ്ഡലം ജന: സെക്രട്ടറിമാരായ ഷൈജു കുറ്റിക്കാട്ട്,രതീഷ് കുറുമാത്ത്,പൊറത്തിശ്ശേരി ഏരിയ പ്രസിഡണ്ട് ടി ഡി സത്യദേവ്,ബൂത്ത് പ്രസിഡണ്ടുമാരായ രാജീവ്, സുജിത്ത്,കുമാരൻ ബിനു അരിയാടത്ത് എന്നിവർ സംസാരിച്ചു.
