പുലിക്കളിയും കുമ്മാട്ടിയും ഘോഷയാത്രയുമായി ഷിൽവറി റിക്രിയേഷൻ ക്ലബിൻ്റെ ഓണാഘോഷം…
ഇരിങ്ങാലക്കുട: പുലിക്കളിയും കുമ്മാട്ടിയും കഥകളിയും തിറയും കൈകൊട്ടിക്കളിയും തിരുവാതിരക്കളിയും അടക്കമുള്ള പരിപാടികളോടെയുള്ള ഘോഷയാത്രയോടെ ഷിൽവറി റിക്രിയേഷൻ ക്ലബിൻ്റെ ഓണാഘോഷം. ക്ലബിൻ്റെ നാലാമത് വാർഷികവും ഓണാഘോഷവും സെപ്റ്റംബർ 5 ന് ഉന്നത വിദ്യാഭ്യാസവകുപ്പ് മന്ത്രി ഡോ. ആർ ബിന്ദു ഉദ്ഘാടനം ചെയ്യുമെന്ന് ക്ലബ് രക്ഷാധികാരി കെ ജി അനിൽകുമാർ, പ്രസിഡണ്ട് ബേബി ജോൺ എന്നിവർ പത്രസമ്മേളനത്തിൽ അറിയിച്ചു. സമ്മേളനത്തിൻ്റെ മുന്നോടിയായി ക്ലബ് പരിധിയിൽ സംഘടിപ്പിക്കുന്ന ഘോഷയാത്ര മൂന്ന് മണിയോടെ ആരംഭിക്കും. വർഷിക സമ്മേളനത്തിൽ നഗരസഭ ചെയർപേഴ്സൺ സോണിയ ഗിരി, കൂടൽമാണിക്യം ദേവസ്വം ചെയർമാൻ പ്രദീപ് മേനോൻ തുടങ്ങിയവർ പങ്കെടുക്കും. ക്ലബ് സെക്രട്ടറി വി എസ് ബാബു, മുൻ സെക്രട്ടറി ഉമ അനിൽകുമാർ എന്നിവരും പത്രസമ്മേളനത്തിൽ പങ്കെടുത്തു.
